सातारा : पाटण तालुक्यातील आंबेघर येथे भूस्खलन झाले होते. या ठिकाणी पालकमंत्री बाळासाहेब पाटील यांनी आज चार किलोमीटर चिखल तुडवत प्रवास करून घटनास्थळी पोहोचले. घटनास्थळाची पहाणी करून माती खाली गाडले गेलेल्या लोकांच्या नातेवाईकांची भेट घेऊन त्यांचे सांत्वन करून धीर दिला. शासन तुमच्या पाठिशी असून शासनातर्फे सर्वतोपरी मदत मिळवून देणार असल्याची ग्वाही पालकमंत्री पाटील यांनी यावेळी उपस्थित ग्रामस्थांना दिली. यावेळी त्यांच्यासमवेत गृहराज्यमंत्री शंभुराज देसाई होते. Walking in the mud, the Guardian Minister, Minister of State for Home Affairs reached Ambeghar; Will get all possible help from the government
दरम्यान, 15 लोक मातीच्या ढिगाऱ्याखाली दबले होते. त्यापैकी एनडीआरएफच्या टीमच्या मदतीने आतापर्यत ११ मृतदेह बाहेर काढण्यात आले आहेत. यातील सहा जणांवर अंत्यसंस्कार करण्यात आले आहेत. आंबेघर येथे अतिवृष्टीने झालेल्या भूस्खलनाच्या ठिकाणी आज जिल्हाधिकारी शेखर सिंह यांनी जाऊन एनडीआरएफच्या टीमकडून सुरू असलेल्या बचावर कार्याची माहिती घेतली.
हेही वाचा : राणे, लाड यांना भाजपनं दिली नवी जबाबदारी
दरम्यान, घटनास्थळी पाहणी करण्यासाठी काल (शुक्रवार) पालकमंत्री बाळासाहेब पाटील गेले होते. मात्र, रस्त्यावरील ओढ्यावरून मोठ्याप्रमाणात पाणी वाहत होते. घटनास्थळी जाणारा रस्ता बंद होता. त्यामुळे ते त्या ठिकाणी पोहोचू शकले नाहीत. आज (शनिवारी) पावसाने थोडी उसंत दिल्याने ओढ्यावरील पाणी ओसरल्याने रस्त्याने चार किलोमीटरचा चिखल तुडवत प्रवास करून बाळासाहेब पाटील घटनास्थळी पोहोचले. त्यांनी त्या ठिकाणी नेमक्या परिस्थितीची पाहणी केली. तसेच या घटनेत मातीखाली गाडले गेलेल्या लोकांच्या नातेवाईकांची भेट घेतली. मातीच्या ढिगाऱ्याखालुन आतापर्यंत 11 मृतदेह काढण्यात आले आहेत.
तसेच आणखी बेपत्ता लोकांचा शोध घेण्याचा प्रयत्न एनडीआरएफचे पथक युद्धपातळीवर काम करत आहे. यावेळी बाळासाहेब पाटील यांच्या समवेत राज्य लेखा समितीचे अध्यक्ष शहाजीराव क्षीरसागर, पाटण तालुक्याचे युवा नेते सत्यजितसिंह पाटणकर, माजी उपायुक्त तानाजीराव साळुंखे, जिल्हाधिकारी शेखर सिंह, पाटणचे प्रांताधिकारी तांबे, पाटणचे तहसीलदार योगेश टोनपे, कराडचे तहसीलदार अमरदीप वाकडे उपस्थित होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.