सातारा : पीएम केअर योजनेतून (PM care Fund) मिळालेले व्हेंटिलेटर बंद पडले आहेत. यासंदर्भात मुख्यमंत्री उद्धव ठाकरे (Udhav Thackeray) यांनीही केंद्राकडे तक्रार केली होती. मला या गोष्टीचे राजकारण करायचे नाही. पण कोरोनाच्या काळात ही व्हेंटिलेटर बनविणाऱ्यांनी थोडी माणुसकी दाखवायला हवी होती. अशी लोक मढ्याच्या टाळूवरचेही लोणी खात असतात. त्यांना जितराब म्हणायचे की आणखी काय ते तु्म्ह ठरवा, अशा शब्दात उपमुख्यमंत्री अजित पवार (Ajit pawar) यांनी केंद्र सरकारवर निशाणा साधला. Ventilator makers wanted to show a little bit of humanity says Dy CM Ajit Pawar
पीएम केअर फंडातून राज्यात व्हेंटिलेटर्स उपलब्ध करण्यात आली आहेत. यातील अनेक व्हेंटिलेटर चालत नसल्याच्या तक्रारी आल्या आहेत. सातारा जिल्ह्यात या फंडातून आलेली व्हेंटिलेटर बंद असल्याचे पत्रकारांनी त्यांच्या निदर्शनास आणून दिले. त्यावर श्री. पवार म्हणाले, पीएम केअरमधून अनेक व्हेंटिलेटर उपलब्ध झाली आहेत. पण अनेक ठिकाणी ही व्हेंटिलेटर बंद पडली आहेत. कोरोनाच्या काळात मला याचे राजकारण करायचे नाही.
पण यासंदर्भात मुख्यमंत्री उद्धव ठाकरे यांनीही सुद्ध केंद्राकडे याबाबतची तक्रार केली आहे. मुळात कोरोनाच्या या परिस्थितीत ही व्हेंटिलेटर बनविणाऱ्यांनी थोडी माणुसकी दाखवली पाहिजे होती. अशी लोक मढ्याच्या टाळूवरील लोणी खायलाही मागे पुढे पहात नाहीत. त्यांना जितराब म्हणायचं की आणखी काय ते तुम्ही ठरवा, अशी सडेतोड टीका श्री. पवार यांनी केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.