शाहू महाराजांच्या (थोरले) समाधी जीर्णोद्धारामुळे इतिहासाचे पुनरुज्जीवन : राजमाता कल्पनाराजे

मूळ समाधीस धक्का न लावता, त्याचठिकाणी ताशीव आणि घडीव दगडांच्या साहाय्याने या समाधीचा जिर्णोद्धार करण्यात आला. काम पूर्ण झाल्यानंतर छत्रपती शाहू महाराज (थोरले) यांच्या 270 व्या पुण्यतिथीदिवशी आज सकाळी अकरा वाजता संगम माहुली येथे जीर्णोद्धारीत समाधी लोकार्पण सोहळा राजमाता कल्पनाराजे भोसले यांच्या हस्ते पार पडला.
Revival of history due to restoration of Samadhi of Shahu Maharaj (Thorale) says Rajmata Kalpanaraje :
Revival of history due to restoration of Samadhi of Shahu Maharaj (Thorale) says Rajmata Kalpanaraje :

सातारा : संगममाहुली येथील कृष्णा- वेण्णा नद्यांच्या संगमावरील छत्रपती शाहू महाराज (थोरले) यांच्या जीर्णोद्धारीत समाधीचे राजमाता कल्पनाराजे भोसले यांच्या हस्ते आज लोकार्पण करण्यात आले. समाधी जीर्णोद्धारामुळे इतिहासाचे पुनरुज्जीवन झाल्याची प्रतिक्रिया राजमाता कल्पनाराजे भोसले यांनी दिली.

 स्वराज्य संस्थापक छत्रपती शिवाजी महाराजांचे अखंड हिंदुस्थानचे स्वप्न त्यांचे नातू छत्रपती शाहू महाराज (थोरले) यांनी पूर्ण केले. स्वराज्यविस्तारक छत्रपती शाहू महाराज (थोरले) यांचे 15 डिसेंबर 1749 रोजी सातारा येथील रंगमहालात निधन झाले होते.

त्यांच्या पार्थिवावर संगममाहुली येथील राजघाटावर अंत्यसंस्कार करण्यात आले व त्याचठिकाणी समाधी उभारण्यात आली होती. या समाधीचा जीर्णोद्धार लोकसहभागातून करण्याचा संकल्प साताऱ्यातील इतिहासप्रेमींनी सोडला. त्यानुसार या कामास ऑक्‍टोबर 2018 मध्ये सुरुवात झाली.

मूळ समाधीस धक्का न लावता, त्याचठिकाणी ताशीव आणि घडीव दगडांच्या साहाय्याने या समाधीचा जिर्णोद्धार करण्यात आला. काम पूर्ण झाल्यानंतर छत्रपती शाहू महाराज (थोरले) यांच्या 270 व्या  पुण्यतिथीदिवशी आज सकाळी अकरा वाजता संगम माहुली येथे जीर्णोद्धारीत समाधी लोकार्पण सोहळा राजमाता कल्पनाराजे भोसले यांच्या हस्ते पार पडला.

यावेळी अजय जाधवराव, धिरेंद्र राजपुरोहित, अमर जाधवराव, शशिकांत पवार, अविनाश कोळपे, निरज झोरे, संदीप शिंदे, विलास माने, रंजना रावत, गीतांजली कदम, तसेच साताऱ्यातील इतिहासप्रेमी उपस्थित होते. या समाधीच्या जीर्णोद्धारामुळे इतिहासाचे पुनरुज्जीवन झाले असून, यामुळे साताऱ्याच्या वैभवात भर पडल्याचे मत राजमाता कल्पनाराजे भोसले यांनी व्यक्त केले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com