कऱ्हाड : आसाम आणि मिझोरामच्या सीमांवर्ती भागातील हिंसाचाराची जबाबदारी स्विकारुन केंद्रीय गृहमंत्री अमित शहा यांनी तत्काळ राजीनामा द्यावा, अशी मागणी माजी मुख्यमंत्री पृथ्वीराज चव्हाण यांनी केली आहे. Prithviraj Chavan Demands resignation of Amit shaha
सोमवारी आसाम पोलिस दलातील पोलिस अधिकारी व कर्मचाऱ्यांवर जोरदार दगडफेक व गोळीबार झाला. त्या घटनेत मुळचे पुण्याचे पोलिस अधिक्षक वैभव निंबाळकर जखमी झाले आहेत. त्यांचे दोन सुरक्षारक्षक पोलिसांसह काही पोलिसांचा मृत्यू झाला आहे. त्या घटनेवरून आमदार चव्हाण यांनी ट्विटवरून गृहमंत्री शहा यांच्यावर निशाना साधला.
आमदार चव्हाण यांनी थेट त्यांच्या राजीनाम्याची मागणी केली आहे. आमदार चव्हाण यांनी केलेल्या ट्विटमध्ये आसाम आणि मिझोरामच्या सीमावर्ती भागात सातत्याने संघर्ष होत आहे. त्यातून हिंसाचार घडत आहे. पूर्वोत्तर भागामधील शांतता भंग होऊ लागली आहे. प्रथमच दोन्ही राज्यांच्या पोलिस दलांनी एकमेकांवर गोळीबार केला. त्यात काहींना गंभीर इजा झाली आहे. केंद्रीय गृहमंत्री अमित शाहांनी याची संपूर्ण जबाबदारी स्वीकारली पाहिजे आणि राजीनामा द्यावा, अशी मागणी त्यांनी केली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.