पालकमंत्र्यांच्या नाकर्तेपणामुळे सातारा जिल्ह्यात कोरोना फोफावतोय...... - Politics from Guardian Minister of Corona Outbreak | Politics Marathi News - Sarkarnama

ब्रेकिंग न्यूज

मराठा आरक्षणासंदर्भात आठवडाभरात राज्य सरकार पुनर्विचार याचिका दाखल करणार
राज्यपाल भगतसिंह कोशियारी यांच्या वाढदिवसाला अभिष्टचिंतन करण्यासाठी मुख्यमंत्री उध्दव ठाकरे राजभवनाकडे रवाना

पालकमंत्र्यांच्या नाकर्तेपणामुळे सातारा जिल्ह्यात कोरोना फोफावतोय......

सरकारनामा ब्यूरो
मंगळवार, 25 मे 2021

जिल्हाधिकारी यांचेकडे पाठपुरावा देखील केला होता. जिल्हाधिकारी यांच्या सुचनेनुसार पुसेसावळीत कै. डी. पी कदम इंग्लिश मिडीयम स्कूल येथे कोविड सेंटर सुरू करण्यासाठी तहसीलदारांनी पाहणी करून सकारात्मकता दर्शविली होती. मात्र प्रत्येक गोष्टीत राजकारण पाहणाऱ्या बालकबुध्दीच्या पालकमंत्र्यांना ही जागा पसंत पडली नाही.

औंध : कोरोना महामारीने (Corona Pandemic) हवालदिल झालेल्या जनतेला दिलासा देण्यासाठी आम्ही समाजकारणाचा घेतलेला वसा सोडणार नाही. आम्ही पाठपुरावा केलेल्या कोरोना सेंटरचे धैर्यशील कदमांना श्रेय मिळेल या भितीने पुसेसावळीत कोविड सेंटरचे चोरीछुपे उद्घाटन करून कोरोना महामारीचे राजकारण करणाऱ्या मुजोर पालकमंत्र्यांना जनता माफ करणार नाही असा घणाघाती टोला वर्धन अँग्रोचे (Vardhan Agro) अध्यक्ष धैर्यशील कदम (Dhairyashil Kadam)  यांनी लगावला. Politics from Guardian Minister of Corona Outbreak

वर्धन अँग्रो कारखान्यावर पत्रकार परिषदेत ते बोलत होते. कदम म्हणाले की कराड उत्तर मतदारसंघात आरोग्याच्या पुरेशा सोईसुविधा अभावामुळे जनतेची ससेहोलपट होत आहे. वेळेवर उपचार मिळत नसल्याने अनेकांना जीव गमवावा लागला आहे. यासाठी पुसेसावळी, काशीळ, उंब्रज, मसूर आदी ठिकाणी कोरोना सेंटर सुरू करण्याची मागणी केली.

हेही वाचा : मोदी सरकारला धक्का; सरन्यायाधीशांनी नियमांवर बोट ठेवल्याने अस्थाना अन् मोदींच्या नावावर फुली

जिल्हाधिकारी यांचेकडे पाठपुरावा देखील केला होता. जिल्हाधिकारी यांच्या सुचनेनुसार पुसेसावळीत कै. डी. पी कदम इंग्लिश मिडीयम स्कूल येथे कोविड सेंटर सुरू करण्यासाठी तहसीलदारांनी पाहणी करून सकारात्मकता दर्शविली होती. मात्र प्रत्येक गोष्टीत राजकारण पाहणाऱ्या बालकबुध्दीच्या पालकमंत्र्यांना ही जागा पसंत पडली नाही. त्यांनी नागझरी रोडवरील एका शाळेत कोविड सेंटरची जागा निवडली, त्यालाही आमचा आक्षेप नाही. कारण लोकांची सोय होणे आवश्यक आहे.

आवश्य वाचा : शिर्डी विधानसभा मतदारसंघातील कोविडच्या माहितीसाठी लवकरच ऍप

परंतु काल नाकर्त्या पालकमंत्र्यांनी केवळ चार राष्ट्रवादीचे कार्यकर्ते घेऊन चोरीछुपे पुसेसावळी कोविड सेंटरचे उद्घाटन केले. राज्यात महाविकास आघाडीचे सरकार सत्तेवर आहे. आमचा शिवसेना पक्ष देखील सत्तेत सहभागी आहे. सुनिता कदम या विभागाच्या जिल्हा परिषद सदस्या आहेत. पालकमंत्र्यांनी केवळ आपल्याला श्रेय मिळावे यासाठी आम्हाला डावलण्याचे काम केले. मात्र इथली जनता सुज्ञ आहे कोणी काय केले हे लोकांना समजते.

मसूर उंब्रजला कोविड सेंटर सुरू झाले पाहिजे यासाठी मी आग्रही आहे. तहसीलदार प्रांत यांना भेटून निवेदन दिले आहे. मसूरला वर्धन अँग्रो कारखान्याच्या माध्यमातून कोविड सेंटर सुरू करण्यासाठी आम्ही सकारात्मक भूमिका घेतली असताना पालकमंत्री तेथेही पाय आडवा घालण्याचे काम करीत असल्याचा आरोप कदम यांनी केला.
 
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख