मुंबई : नवी मुंबई विमानतळाला New Mumbai Airport शिवसेनाप्रमुख बाळासाहेब ठाकरे Balasaheb Thackeray यांचे नाव देण्याचा ठराव मंत्रिमंडळाच्या बैठकीत मांडला जाणार आहे. विश्वसनीय सुत्रांच्या माहितीनुसार गेले काही दिवस याविषयी आंदोलकांशी सुरु असलेली चर्चा सामोपचाराने संपू शकत नसल्याचे लक्षात आल्याने आता हा निर्णय घेवून टाकू, असे शिवसेनेचे मत झाले आहे. Naming of Navi Mumbai Airport; The name of Shivsena chief will be decided in the cabinet
नवी मुंबई परिसरात मोर्चेबांधणी करण्यासाठी या जनआंदोलनाला भाजप आडून हवा देत असल्याचा शिवसेनेचा ग्रह झाला आहे. त्यामुळे ठाणे जिल्ह्याचे पालकमंत्री एकनाथ शिंदे यांनी विमानतळाला शिवसेनाप्रमुख बाळासाहेब ठाकरे यांचे नाव देण्याची घोषणा केली आहे. त्या आशयाचा ठराव मंत्रिमंडळाच्या बैठकीत आणण्याची तयारी सेनेने केली आहे.
हेही वाचा : राज्य सरकारचे संभाजीराजेंना चर्चेसाठी निमंत्रण
महाविकास आघाडी सरकारमधील अन्य सहकारी पक्षांशी बातचीत करून हा प्रस्ताव येत्या मंत्रिमंडळाच्या बैठकीत मांडला जाण्याची दाट शक्यता आहे. बाळासाहेब ठाकरे यांच्या नावाबद्दल तडजोडीची शक्यताच नसल्याचे ज्येष्ठ मंत्र्यांनी नमूद केले. शिवसेना नेते संजय राऊत यांनी हा निर्णय झाला असल्याचे जाहीर केले आहे. नवी मुंबई विमानतळाची मालकी आता अदानी समुहाकडे आली असून विमानतळाचे प्रारुप तयार झाले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.