आमदार शिवेंद्रसिंहराजेंनी सुरू केले कोविड सेंटर; 80 बेडमध्ये 32 ऑक्‍सिजनचे बेड

कोरोनाचा प्रादुर्भाव वाढला असून, रुग्णांना वेळेत उपचार मिळावेत आणि बेड मिळाला नाही म्हणून कोणाचा जीव जाऊ नये.या हेतूने शिवेंद्रसिंहराजे यांनी सेंटर पुन्हा रुग्णसेवेसाठी स्वखर्चाने तयार करून श्वास हॉस्पिटलकडे चालवण्यासाठी दिले आहे. कठीण परिस्थितीत आपण समाजाचे काहीतरी देणे लागतो, याच उद्देशाने सेंटर पुन्हा सुरू करत असल्याचे शिवेंद्रसिंहराजे यांनी सांगितले.
MLA Shivendraraje started Covid Center; 32 oxygen beds in 80 beds
MLA Shivendraraje started Covid Center; 32 oxygen beds in 80 beds

सातारा : सातारा जिल्ह्यात कोरोनाबाधितांच्या संख्येत लक्षणीय वाढ झाली आहे. मृत्यूच्या प्रमाणातही चिंताजनक वाढ झाली आहे. सध्या बेड शिल्लक नसल्याने रुग्ण दगावत आहेत. या स्थितीला आळा बसावा, रुग्णांना वेळेत उपचार मिळावेत, या हेतूने साताऱ्याचे भाजपचे आमदार शिवेंद्रसिंहराजे भोसले, सौ. वेदांतिकाराजे भोसले व कुटुंबीयांनी त्यांच्या मालकीच्या पुष्कर मंगल कार्यालयात पुन्हा कोविड केअर सेंटर सुरू करण्याचा निर्णय घेतला आहे. 

या सेंटरमध्ये 32 ऑक्‍सिजनयुक्त बेडसह 80 बेडचे हे सेंटर रुग्णसेवेसाठी सज्ज होत असून, येत्या दोन दिवसांत हे सेंटर सुरू होणार आहे. गतवर्षी कोरोनाचा प्रादुर्भाव वाढल्यामुळे शिवेंद्रसिंहराजे यांनी पुष्कर हॉल येथे स्वखर्चाने 80 बेडचे सुसज्ज असे कोविड केअर सेंटर उभारून विनामोबदला रुग्णसेवेसाठी उपलब्ध करून दिले होते. कोरोनाचा प्रादुर्भाव कमी झाल्यानंतर हे सेंटर बंद करण्यात आले होते. 

आता पुन्हा कोरोनाचा प्रादुर्भाव वाढला असून, रुग्णांना वेळेत उपचार मिळावेत आणि बेड मिळाला नाही म्हणून कोणाचा जीव जाऊ नये. या हेतूने शिवेंद्रसिंहराजे यांनी सेंटर पुन्हा रुग्णसेवेसाठी स्वखर्चाने तयार करून श्वास हॉस्पिटलकडे चालवण्यासाठी दिले आहे.  कठीण परिस्थितीत आपण समाजाचे काहीतरी देणे लागतो, याच उद्देशाने सेंटर पुन्हा सुरू करत असल्याचे शिवेंद्रसिंहराजे यांनी सांगितले. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com