तर जयंत पाटील, शशीकांत शिंदेंना रस्त्यावरून फिरू देणार नाही....

''योजनेच्या अर्धवट पाइपलाइन व इतर कामासाठी आपल्या मागणीखातर केंद्रीय मंत्री नितीन गडकरी यांच्या माध्यमातून सुमारे ३० कोटी रुपयांचा निधी मिळाला होता. योजना अनेक वर्षे लांबल्यामुळे योजनेचा खर्च वाढत गेला.’’
Jayant Patil and Shashikant Shinde will not be allowed to walk on the road says Dr. Dilip Yelgavkar
Jayant Patil and Shashikant Shinde will not be allowed to walk on the road says Dr. Dilip Yelgavkar

वडूज : जिहे-कठापूर पाणी उपसा सिंचन योजनेच्या पाण्याबाबत खटाव तालुक्यातील पूर्व भागाशी सापत्न भूमिका घेतल्यास राष्ट्रवादीचे प्रदेशाध्यक्ष मंत्री जयंत पाटील व आमदार शशिकांत शिंदे यांना तालुक्यातील जनता रस्त्यावरून फिरू देणार नाही, असा इशारा माजी आमदार डॉ. दिलीप येळगावकर यांनी पत्रकार परिषदेत दिला आहे. Jayant Patil and Shashikant Shinde will not be allowed to walk on the road says Dr. Dilip Yelgavkar

डॉ. येळगावकर म्हणाले, ''जिहे-कठापूर योजना ही निवृत्त अभियंता मंडळाने तयार केलेली आहे. माजी आमदार (कै.) कॅ. आर. डी. निकम यांनी माजी सैनिक संघटनेच्या माध्यमातून ही योजना तत्कालीन संरक्षणमंत्री शरद पवार यांच्यापर्यंत पोचवली होती. १९९५ मध्‍ये राज्यात भाजप-शिवसेना युतीचे शासन आल्यानंतर या योजनेला खरी गती आली. 

तत्कालीन पाटबंधारेमंत्री महादेव शिवणकर, पालकमंत्री हर्षवर्धन पाटील, मंत्री एकनाथ खडसे, कृष्णा खोरे विकास महामंडळाचे तत्कालीन उपाध्यक्ष उदयनराजे भोसले, सदस्य गिरीष बापट यांच्यामार्फत आपण स्वत: पाठपुरावा केला आहे. त्यानंतर या योजनेला ११ फेब्रुवारी १९९७ रोजी प्रशासकीय मान्यता मिळून २६ हजार ९०७ कोटी रुपयांची आर्थिक तरतूदही झाली. त्यानंतर निधीअभावी काही दिवस हे काम रखडले. 

आपण स्वत: आमदार असताना विधानसभा पायरीवर अधिवेशन काळात उपोषण केले. त्याची गांभीर्याने दखल घेवऊ उपमुख्यमंत्री अजित पवार यांनी अधिवेशन संपल्यानंतर काम सुरू करण्याचे आश्वासन दिले. त्याप्रमाणे त्यांच्या व आपल्या स्वत:च्या उपस्थितीत कामही सुरू झाले. योजनेच्या अर्धवट पाइपलाइन व इतर कामासाठी आपल्या मागणीखातर केंद्रीय मंत्री नितीन गडकरी यांच्या माध्यमातून सुमारे ३० कोटी रुपयांचा निधी मिळाला होता. योजना अनेक वर्षे लांबल्यामुळे योजनेचा खर्च वाढत गेला.’’ 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com