सहकारी संस्थांना पाचव्यांदा मुदतवाढ; कृष्णाची निवडणूक होणार 

शासनाने सहकारी संस्थांच्या निवडणूका पुन्हा ३० एप्रिलपर्यंत पुढे ढकलण्याचा निर्णय घेतला आहे. याबाबतचे परिपत्रक लवकरच सहकार विभागाकडे पाठविले जाणार आहे. त्यामुळे ठरावांची प्रक्रिया पूर्ण झालेल्या जिल्हा बॅंकेसह इतर सहकारी संस्थांच्या संचालकांना पाचव्यांदा मुदतवाढ मिळाली आहे.
Fifth extension for co-operative elections
Fifth extension for co-operative elections

सातारा : कोरोनाचा संसर्ग वाढल्याने लॉकडाउनच्या दिशेने पुन्हा वाटचाल सुरू झाल्याने सहकारी संस्थांच्या निवडणूकांना सरकारने पुन्हा पाचव्यांदा मुदतवाढ दिली आहे. आता 30 एप्रिलपर्यंत सहकारी संस्थांच्या निवडणूका पुढे ढकलण्यात आल्या आहेत. त्यामुळे सहकारी संस्थांच्या संचालकांना आतापर्यंत एक वर्षांपेक्षा जास्त मुदतवाढ मिळाली आहे. पण सातारा जिल्ह्यातील कऱ्हाड तालुक्‍यातील रेठरे बुद्रुक येथील कृष्णा कारखान्याची निवडणूक प्रक्रिया उच्च न्यायालयाच्या पूर्वीच्या आदेशामुळे सुरूच राहणार आहे. 

सहकारी संस्थांच्या निवडणूका गेल्या वर्षभरापासून स्थगितीच्या फेऱ्यात अडकल्या आहेत. सुरवातीला मार्च 2020 मध्ये कोरोनाच्या लॉकडाऊनमुळे तीन महिने पुढे ढकलल्या होत्या. त्यानंतर 17 जून, 28 सप्टेंबरपर्यंत मुदतवाढ मिळाली. त्यानंतर डिसेंबर 2020 पर्यंत मुदतवाढ दिली गेली. तर त्यानंतर 16 मार्चच्या आदेशानुसार 31 मार्च 2021पर्यंत सहकारी संस्थांच्या निवडणूका पुढे ढकलल्या होत्या. मात्र, यासंदर्भात न्यायालयात याचिका दाखल झाल्याने शासनाने 16 जानेवारीचा आदेश रद्द करून पुन्हा मोठ्या सहकारी संस्थांच्या निवडणूका घेण्याची तयारी दर्शविल्याने निवडणूक प्रक्रिया सुरू झाली.

त्यानुसार सातारा जिल्हा बॅंकेच्या ठरावाची प्रक्रिया पूर्ण झाली. कच्ची मतदार यादी तयार करण्याचे काम सुरू होते. पण कोरोनाचा संसर्ग पुन्हा वाढल्याने शासनाने सहकारी संस्थांच्या निवडणूका 31 मार्च 2021 पर्यंत पुढे ढकलण्याचा निर्णय घेतला आहे. याबाबतचे आदेश कक्ष अधिकारी अनिल चौधरी यांनी जिल्हा उपनिबंधकांना दिले होते. त्यानंतर आता पुन्हा एकदा कोरोनाचा संसर्ग वाढल्याने लॉकडाऊन होण्याची शक्‍यता वर्तविली जात असतानाच शासनाने सहकारी संस्थांच्या निवडणूका पुन्हा ३० एप्रिलपर्यंत पुढे ढकलण्याचा निर्णय घेतला असल्याचे सूत्रांनी सांगितले.

याबाबतचे परिपत्रक लवकरच सहकार विभागाकडे पाठविले जाणार आहे. त्यामुळे ठरावांची प्रक्रिया पूर्ण झालेल्या जिल्हा बॅंकेसह इतर सहकारी संस्थांच्या संचालकांना पाचव्यांदा मुदतवाढ मिळाली आहे. दरम्यान, यशवंतराव मोहिते कृष्णा सहकारी साखर कारखान्याची निवडणूक प्रक्रिया मात्र, होणार आहे. उच्च न्यायालयाच्या आदेशानुसार ही प्रकिया पूर्ण करावी लागणार आहे. वारंवार मुदतवाढ द्यावी लागली असल्याने सरकार योग्य त्या कायदेशीर सुधारणा करण्यात येणार असल्याचे सहकार खात्यातील सूत्रांनी सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com