सातारा : साताऱ्यातील क्रांतीसिंह नाना पाटील शासकीय रुग्णालयात कोरोनाची आरटीपीसीआर चाचणी केल्याचा बनावट (RTPCR Test) अहवाल काही जणांनी मिळवला आहे. याप्रकरणी रुग्णालयाचे डॉ. ज्ञानेश्वर हिरास (Dr. Dyaneshwar Hiras) यांच्या तक्रारीवरुन पाच संशयितांवर सातारा शहर पोलिसांत (Satara City Police) गुन्हा दाखल करण्यात आला आहे. Fake report of RTPCR test; Five people have been charged
पाच संशयितांमध्ये महेश रामचंद्र जाधव (अंबवडे, ता. सातारा), हरिदास नाथा कुंभार (नागझरी, ता. कोरेगाव), प्रमोद आनंदराव माने (रा. कुमठे ता. सातारा), अजय संजय डुबल (शिवाजीनगर) आणि गणेश प्रकाश घोरपडे (निसराळे ता. सातारा) अशी गुन्हा दाखल केलेल्यांची नावे आहेत.
याबाबत मिळालेल्या माहितीनुसार, या पाच संशयितांनी 14 आणि 15 ऑक्टोबर 2020 या कालावधीत साताऱ्यातील क्रांतीसिंह नाना पाटील शासकीय रुग्णालयात कोरोनाची आरटीपीसीआर चाचणी केल्याचा बनावट रिपोर्ट मिळवला. मात्र, शासकीय रुग्णालयात या संशयितांनी ही टेस्ट केल्याची कोणतीही नोंद नव्हती. त्यामुळे या प्रकरणाची प्रशासनाकडून सखोल चौकशी करण्यात आली. त्यामध्ये हे रिपोर्ट बनावट असल्याचे समोर आले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.