सातारा : मराठा आरक्षण प्रश्नी कोल्हापूरचे संभाजीराजे छत्रपती Sambhajiraje Chhatrapati यांनी आंदोलनाचा इशारा दिला आहे. या पार्श्वभूमीवर ते साताऱ्याचे भाजपचे खासदार उदयनराजे भोसले MP Udayanraje Bhosale यांची भेट घेणार होते. यासंदर्भात आज साताऱ्यात पत्रकारांनी उदयनराजेंशी संवाद साधला. यावेळी उदयनराजे म्हणाले, संभाजीराजे हे माझे भाऊ असून त्यांच्या प्रत्येक गोष्टीत मी त्यांच्यासमवेत आहे. येत्या दोन चार दिवसांत आमची भेट होईल, असे स्पष्ट केले. Due to these reasons, the meeting of MP Udayanraje and MP Sambhaji Raje was avoided ....
कोल्हापूर येथे भाजपचे खासदार संभाजीराजे छत्रपती यांनी मराठा आरक्षणासंदर्भातील आंदोलनाची भूमिका काल स्पष्ट केली. यावेळी त्यांनी या आंदोलनासाठी आपण साताऱ्याचे खासदार उदयनराजे भोसले यांचीही भेट घेणार असे नमुद केले होते. त्यामुळे संभाजीराजे व उदयनराजेंच्या भेटीकडे सर्वांचे लक्ष लागले होते.
या दोन नेत्यांची पुण्यात भेट होऊन आंदोलनासंदर्भात चर्चा होणार होती. मात्र, काही कारणास्तव खासदार उदयनराजे भोसले आज पुण्याला गेले नाहीत. त्यामुळे त्यांची भेट कधी होणार याविषयीची उत्सुकता ताणली होती. मात्र, आज जलमंदीर पॅलेस येथे पत्रकारांशी बोलताना उदयनराजेंनी आपली बाजू स्पष्ट केली.
खासदार उदयनराजे म्हणाले, संभाजीराजे माझे भाऊ आहेत. त्यांच्या प्रत्येक गोष्टीत मी त्यांच्यासमवेत आहे. माझी काही नियोजित ठरलेली कामे असल्याने मला त्यांना भेटता येणार नाही. या गोष्टीचा कोणी चुकीचा अर्थ काढू नये. येत्या दोन चार दिवसांत आमची भेट होईल. या भेटीनंतर आम्ही आरक्षण आंदोलनाबाबत चर्चा करून निर्णय घेऊ.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.