गरज नसताना रेमडेसिवरचा आग्रह धरू नका; विनाकारण एचआरसीटी करून आर्थिक नुकसान टाळा - Do not insist on a remediver when not needed; Avoid financial loss by doing HRCT unnecessarily | Politics Marathi News - Sarkarnama

ब्रेकिंग न्यूज

महाराष्ट्र एटीएसची मोठी कारवाई , 7 किलोग्राम यूरेनियमसह 2 जणांना अटक. दोन्ही आरोपी मागिल अनेक दिवसांपासून ग्राहकांच्या शोधात होते. जप्त केलेल्या युरेनियमची किंमत बाजारात २१ कोटी रुपये आहे.
गृह राज्यमंत्री शंभूराज देसाई यांच्या साताऱ्यातील घरासमोर अज्ञाताने शेणी पेटवल्या, त्यामुळे साताऱ्यात एकच खळबळ उडाली आहे. पोलिसांनी या पेटवलेल्या शेणी विझवून तेथून हटविल्या आहेत .

गरज नसताना रेमडेसिवरचा आग्रह धरू नका; विनाकारण एचआरसीटी करून आर्थिक नुकसान टाळा

सरकारनामा ब्यूरो
सोमवार, 19 एप्रिल 2021

महाराष्ट्रामध्ये रेमडेसिवर बाबतीत खूप काळाबाजार सुरू आहे. यापासूनही आपण सावध राहणे गरजेचे आहे. रामराजे म्हणाले, खऱ्या अर्थाने कोरोना या संसर्गजन्य आजाराला दूर ठेवायचे असेल व कोरोनाची साखळी तोडावयाची असेल तर आपण एकमेकांच्या संपर्कात येणे टाळावे. मास्क घालावा, सॅनिटायझरचा उपयोग करावा व प्रशासनाने दिलेल्या मार्गदर्शक सूचनांचे पालन करावे. 

सातारा : ज्या रुग्णांची कोरोना टेस्ट पॉझिटिव्ह आली आहे. असे सर्व रुग्ण एचआरसीटी करण्यासाठी सी.टी. स्कॅन सेंटरवर गर्दी करत आहेत. सरसकट कोरोना रुग्णांनी सिटी स्कॅन करण्याची गरज नाही. ज्या रुग्णांना दम लागतोय, अस्वस्थपणा असेल, तसेच भरपूर ताप असेल आणि ज्यांची ऑक्सिजन लेवल 95 च्या खाली आहे, अशा रुग्णांनीच एचआरसीटी करावी. ज्यांना अशी लक्षणे जाणवत नाहीत, त्यांनी एचआरसीटी करून आपले आर्थिक नुकसान व सेंटरवरील होणारी गर्दी टाळावी, असे आवाहन विधान परिषदेचे सभापती रामराजे नाईक निंबाळकर यांनी केले आहे.

कोरोनाच्या या काळामध्ये प्रत्येकाने आपल्या घरी एक पल्स ऑक्सिमीटर ठेवणे गरजेचे आहे. ज्यामुळे आपल्या शरीरातील ऑक्सिजनची लेव्हल घरच्या घरी समजेल, असे सांगून रामराजे नाईक निंबाळकर यांनी म्हटले की, जर एचआरसीटीमध्ये आपला स्कोर जर सातच्या आत असेल तर आपण घरी अथवा शासनाच्या विलगीकरण कक्षामध्ये राहणे पसंत करावे. स्कोर सातच्या पुढे व १५ च्या आत असेल तर डॉक्टरांच्या सल्ल्याने दवाखान्यात जावे व कोणती औषधे घ्यावीत, ते ठरवावे. 

ज्यांचा एचआरसीटी स्कोर- १५ च्या पुढे असेल तरच अशा रुग्णांनी ऑक्सिजन बेड व व्हेंन्टिलेटर बेड असणाऱ्या रुग्णालयांत अॅडमिट व्हावे. डॉक्टरांच्या सल्ल्याने रेमडेसिवर इंजेक्शन घ्यावयाचे की नाही ते ठरवावे. कारण जागतिक आरोग्य संस्थेने देखील रेमडेसिवर इंजेक्शन म्हणजे रामबाण उपाय नाही, असे सांगितले आहे. त्यामुळे उगीचच गरज नसताना रेमडेसिवर घेण्यासाठी डॉक्टरांच्याकडे आग्रह धरू नका. त्यामुळेच रेमडेसिव्हर इंजेक्शनचा तुटवडा जाणवत आहे.

त्यामुळे महाराष्ट्रामध्ये रेमडेसिवर बाबतीत खूप काळाबाजार सुरू आहे. यापासूनही आपण सावध राहणे गरजेचे आहे. रामराजे म्हणाले, खऱ्या अर्थाने कोरोना या संसर्गजन्य आजाराला दूर ठेवायचे असेल व कोरोनाची साखळी तोडावयाची असेल तर आपण एकमेकांच्या संपर्कात येणे टाळावे. मास्क घालावा, सॅनिटायझरचा उपयोग करावा व प्रशासनाने दिलेल्या मार्गदर्शक सूचनांचे पालन करावे. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख