सातारा : जिल्हा मध्यवतीर् सहकारी बॅंकेसह आगामी नगरपालिका, जिल्हा परिषद व पंचायत समिती निवडणुकीसाठी भारतीय जनता पक्षाची रणनीती ठरविण्यासाठी प्रदेशाध्यक्ष चंद्रकांत पाटील हे उद्या (गुरुवारी) साताऱ्याच्या दौऱ्यावर येत आहेत. या दौऱ्यात ते पक्षाचे खासदार, आमदार, जिल्हा परिषद, पंचायत समिती सदस्य, नगरसेवक आणि आजी- माजी पदाधिकाऱ्यांशी चर्चा करणार आहेत, तसेच ते विभागवार बैठकाही घेणार आहेत.
जिल्ह्यात आगामी काळात होणाऱ्या विविध निवडणुकांबाबत भारतीय जनता पक्षाकडून कोणतीच भूमिका जाहीर झालेली नाही. त्यामुळे पदाधिकाऱ्यांसह कार्यकर्त्यांत संभ्रमाचे वातावरण आहे. हा संभ्रम दूर करून कार्यकर्त्यांना निवडणुकीच्या कामाला लावण्यासाठी भाजपचे प्रदेशाध्यक्ष चंद्रकांत पाटील हे उद्या (गुरुवारी) साताऱ्याच्या दौऱ्यावर येत आहेत.
या दौऱ्यात ते दुपारी दोन ते रात्री नऊ या वेळेत पक्षाच्या विभागवार बैठका घेणार आहेत. सध्या सुरू असलेल्या जिल्हा मध्यवर्ती सहकारी बॅंकेच्या निवडणुकीसह आगामी काळात होणाऱ्या पालिका, नगरपंचायती, जिल्हा परिषद, पंचायत समितीच्या निवडणुकीसंदर्भात पक्षाचे मंडल अध्यक्ष, प्रमुख पदाधिकारी, खासदार, आमदार, जिल्हा परिषद व पंचायत समिती सदस्य, नगरसेवक, माजी नगरसेवक, माजी लोकप्रतिनिधी यांच्याशी सविस्तर चर्चा करणार आहेत.
यामध्ये ते सर्व प्रमुख पदाधिकाऱ्यांशी चर्चा करून आगामी सर्व निवडणुकांच्या बाबतीत पक्षाचे धोरण ठरविणार आहेत. त्यांच्यासमवेत जिल्हाध्यक्ष विक्रम पावसकर ही उपस्थित राहणार आहेत. त्यामुळे कार्यकर्त्यांचा निवडणुकीबाबत असलेला संभ्रम दूर करून श्री. पाटील हे त्यांना आगामी काळात कोणती रणनीती वापरायची याविषयीही मार्गदर्शन करणार आहेत. त्यामुळे चंद्रकांत पाटील यांचा हा दौरा जिल्ह्याच्या दृष्टीने महत्त्वपूर्ण मानला जात आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.