सातारा : साताऱ्या कोरोनाचा उद्रेक संसर्गाचा उद्रेक झाला असून एका दिवसांत १०१६ रूग्ण पॉझिटिव्ह आले असून १४ बाधितांचा मृत्यू झालेला आहे. तर वाई तालुक्यातील बावधनची बगाड यात्रा गावकऱ्यांच्या अंगलट आली असून आतापर्यंत या परिसरातीली वाड्यावस्त्यांवरील तब्बल ६१ जण कोरोना पॉझिटीव्ह आले आहेत. बावधन ग्रामीण रूग्णालयातील आरोग्य अधिकाऱ्यांना देखील कोरोनाचा संसर्ग झाला आहे.
कोरोनाच्या संसर्गाचा उच्चांक गाठत दिवसभरात सातारा जिल्ह्यात १०१६ रूग्णांना कोरोनाचा संसर्ग झाला आहे. तर १४ बाधितांचा मृत्यू झाला आहे. सध्या वाढलेल्या रूग्ण संख्येमुळे बेड कमी पडू लागले आहेत. यामध्ये गंभीर रूग्णांना व्हेंटीलेटर बेड मिळत नसल्याने नातेवाईकांची बेड शोधण्यासाठी पळापळ होत आहे. गेल्या महिनाभरापासून कमी झालेला कोरोनाचा पुन्हा एकदा सातारा जिल्ह्यात उद्रेक झाला आहे.
शासनाने केलेल्या प्रतिबंधात्मक उपाय योजनानंतरही संसर्ग वाढत आहे. साखळी तोडण्यासाठी विकेंड लॉकडाऊन तसेच आठवडाभर मिनी लॉकडाऊन असूनही संसर्ग कमी होत नसल्याने जिल्हा प्रशासनासह आरोग्य विभागापुढे संसर्ग कसा रोखायचा याबाबत प्रश्न चिन्ह निर्माण झाले आहे. शुन्य मृत्यू दरावरून आता कोरोनामुळे मृत्यू होण्याचे प्रमाण वाढून १४ वर गेले आहे. जिल्हा प्रशासनाचे जमावबंदी आदेश लागू असतानाही बंदी झुगारन वाई तालुक्यातील बावधन गावाने आपली बगाड यात्रा साजरी केली होती.
आता बावधन परिसरातील वाड्यावस्त्यांना ही यात्रा अंगलट आल्याचे चित्र आहे. बावधन परिसरातील वाड्यावस्त्यांवरील तब्बल ६१ जणांना कोरोनाची लागण झाल्याचे उघड झाले आहे. यामध्ये बावधन ग्रामीण रूग्णालयातील आरोग्य अधिकाऱ्याचाही समावेश आहे. वाई तालुक्यात कोरोना बाधितांचा आकडाही वाढू लागला आहे. आता आरोग्य यंत्रणेने वाई तालुक्यात लक्ष केंद्रीत करून येथील साखळी तोडणे गरजेचे आहे. दरम्यान, जिल्ह्यात कोरोनाबाधितांचा आकडा एक हजारांवर गेला असून रूग्णांना बेड मिळत नसल्याने आणखी कोरोना केअर सेंटर तसेच कोरोना हॉस्पिटल सुरू करण्याची मागणी होऊ लागली आहे.
कोरोना अपडेटस्‌..
सातारा जिल्ह्यात एका दिवसात सापडलेले रूग्ण 1016
कोरोना बधितांचा मृत्यू १४
बावधन परिसरात सापडले ६१
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.