पडळकरांना कुठे पाठवयाचं हे आपण ठरवू : प्रकाश आंबेडकर

मुंबई : गोपीचंद पडळकर यांना कोणत्या पक्षात पाठवायचं हे पहिल्यांदा आपण ठरवू, पण त्यांची सर्वात पक्षात चर्चा आहे, अशी प्रतिक्रिया वंचित बहुजन आघाडीचे नेते प्रकाश आंबेडकर यांनी पत्रकार परिषदेत दिली. आगामी विधानसभा निवडणुकीत 'एमआयएम' स्वबळावर लढणार असल्याबाबतची माहिती माझ्याकडे आलेली नाही, असेही आंबेडकर म्हणाले. 

गोपीचंद पडळकर सोलापूर जिल्ह्यातील सांगोला विधानसभा मतदारसंघातून निवडणूक लढण्याच्या तयारीत आहेत. आमदार गणपतराव देशमुख यांच्याशी ते चर्चा करणार असून तेथील धनगर समाजासह अन्य जाती- जमतीमधील कार्यकर्ते, नेत्यांचा आग्रह असल्याचे पडळकर यांचे म्हणणे आहे. वंचित बहुजन आघाडी की शेकाप मधून लढणार हे निश्चीत नसल्याचंही त्यांनी सांगितले आहे.  जेष्ठ आमदार आणि धनगर समाजाचे नेते गणपतराव देशमुख यांच्याशी चर्चा करून निर्णय घेणार असल्याचेही त्यांनी सांगितले आहे.