निवडणुकांमुळे मुक्ता टिळक यांना मुदवाढीचा बोनस

 निवडणुकांमुळे मुक्ता टिळक यांना मुदवाढीचा बोनस

पुणे : राज्यातील दहा महापालिकांच्या महापौर व उपमहापौरांच्या निवडीला राज्य सरकारने तीन महिने मुदतवाढ दिल्याने पुण्याच्या महापौर मुक्ता टिळक यांच्यासह राज्यातील प्रमुख दहा महापालिकांच्या महापौर व उपमहापौरांना आणखी तीन महिने मुदतवाढ मिळाली आहे. विधानसभा निवडणूक झाल्यानंतर या पदांची सोडत जाहीर करण्यात येणार असून त्या सोडतीत आलेल्या आरक्षणानुसार या पदांच्या निवडणुका पार पडणार आहेत. 

मुंबई, नवी मुंबई, ठाणे, कल्याण-डोंबिवली. धुळे, नाशिक व पुणे यासह दहा महापालिकांचा यात समावेश आहे. राज्य मंत्रीमंडळाने चार दिवसांपूर्वी या संदर्भातील निर्णय जाहीर केला. या निर्णयामुळे विद्यमान सर्व महापौर व उपमहापौरांना निर्धारीत अडीच वर्षापेक्षा सुमारे पाच ते सहा महिन्यांचा अतिरिक्त काळ मिळणार आहे. निवडणुका झाल्यानंतर नवे मंत्रिमंडळ अस्तित्वात येऊन सोडती जाहीर होण्यास काही कालावधी जाणार असून परिणामी पाच ते सहा महिने त्यांना अधिक मिळणार आहेत. 

पुण्यात मुक्ता टिळक यांच्यानंतर महापौर होण्यात अनेकजण इच्छुक आहेत. मात्र, सोडतीत कोणत्य प्रवर्गाला ही जागा मिळेल यावर बरेच अवलंबून आहे. पुणे महापालिकेत भाजपला अभूमतपर्व यश मिळाल्यानंतर भाजपच्या पुण्यातल्या महिला महापौर म्हणून टिळक यांचे नाव पुढे आले. त्यांच्या महापौरपदाचा अडीच वर्षांचा कार्यकाळ येत्या 15 सप्टेबरला पूर्ण होत आहे. विधानसभा निवडणुकीमुळे राज्य सरकारने मुदत वाढविल्याने टिळक यांना आणखी तीन-चार महिन्यांची संधी मिळाली आहे. टिळक यांना कसबा विधानसभा मतदारसंघातून उमेदवारी मिळणार अशी चर्चा आहे. त्यामुळे महापौर असताना त्यांना आमदार होण्याची शक्‍यता निर्माण झाली आहे. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com