कॉंग्रेसचा जाहीरनामा म्हणजे देशाच्या सुरक्षेशी खेळ आहे - पंतप्रधान मोदी

`कॉंग्रेसचा जाहीरनामा म्हणजे देशाच्या सुरक्षेशी खेळ आहे' असे म्हणत पंतप्रधान नरेंद्र मोदी यांनी आज गोंदियातील जाहीर सभेत कॉंग्रेसच्या जाहीरनाम्यावर जहरी टीका केली. राष्ट्रवादी कॉंग्रेसचे अध्यक्ष शरद पवार कॉंग्रेसच्या जाहीरनाम्याशी सहमत आहेत का, असा प्रश्नही त्यांनी विचारला.
कॉंग्रेसचा जाहीरनामा म्हणजे देशाच्या सुरक्षेशी खेळ आहे - पंतप्रधान मोदी

पुणे - `कॉंग्रेसचा जाहीरनामा म्हणजे देशाच्या सुरक्षेशी खेळ आहे' असे म्हणत पंतप्रधान नरेंद्र मोदी यांनी आज गोंदियातील जाहीर सभेत कॉंग्रेसच्या जाहीरनाम्यावर जहरी टीका केली. राष्ट्रवादी कॉंग्रेसचे अध्यक्ष शरद पवार कॉंग्रेसच्या जाहीरनाम्याशी सहमत आहेत का, असा प्रश्नही त्यांनी विचारला. 

गोंदिया-भंडारा लोकसभा मतदारसंघातील गोंदिया येथे आयोजिलेल्या भाजप-शिवसेनेच्या प्रचारसभेत पंतप्रधान मोदी बोलत होते. या वेळी मुख्यमंत्री देवेंद्र फडणवीस यांचेही भाषण झाले. विदर्भातील दहा पैकी सात लोकसभा मतदारसंघात 11 एप्रिल रोजी मतदान आहे. वर्ध्यानंतर काही दिवसांतच गोंदियाला होणारी त्यांची आजची विदर्भातील दुसरी सभा होती. 

पंतप्रधान मोदी पुढे म्हणाले, की कॉंग्रेसचा जाहीरनाम्यामुळे लष्कराचे मनोबल कमी करण्याचे षड्यंत्र आहे. `भारत तेरे तुकडे होगे' अशा घोषणा देणाऱ्यांचा जाहीरनामा आहे. राजद्रोहासारखे कलम रद्द करण्याचा निर्णय कॉंग्रेसने घेतला आहे. भारताचे तुकडे करण्याची भाषा बोलणाऱ्यांना खुले सोडले पाहिजे का?

राष्ट्रवादी कॉंग्रेसचे अध्यक्ष शरद पवार यांच्यावर टीका करताना मोदी म्हणाले, की शरद पवार कॉंग्रेसच्या जाहीरनाम्याशी सहमत आहेत का ? शरद पवार संरक्षणमंत्री होते. तरीही कॉंग्रेसच्या जाहीरनाम्याबाबत गप्प का बसले आहेत? 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com