मनसेचे खातं उघडलं, प्रमोद पाटील विजयी 

मुंबई : कल्याण ग्रामीणमधून मनसेचे उमेदवार प्रमोद पाटील हे विजयी झाले असून मनसेचे खाते उघडले आहे. हा निकाल मनसेचे अध्यक्ष राज ठाकरे यांना दिलासा देणारा ठरणार आहे. 

गेल्या विधानसभा निवडणुकीत पुण्यातील जुन्नर विधानसभा मतदारसंघातून शरद सोनावणे हे एकमेव आमदार निवडून आले होते. यावेळी कल्याणने मनसेची इज्जत राखली आहे. मनसेचे अध्यक्ष राज ठाकरे यांना कोहिनूर मिलप्रकरणी ईडीने नोटीस पाठविली होती. त्यावेळी राज्यात खळबळ उडाली होती. राज यांच्या पाठोपाठ शरद पवार यांनाही तशीच नोटीस आल्याने राजकीय वातावरण आणखी तापले होते. 

विधानसभा लढायची की नाही या मनस्थितीत असलेल्या मनसेचे ना हो करीत मैदानात उडी घेतली. प्रचारही केला. मनसेला दोन तीन जागा मिळतील असे वाटत होते पण, आता एकाच जागावर समाधान मानावे लागेल असे दिसते.