मनसेचे अशोक मुर्तडकांच्या माघारीने 'राष्ट्रवादी'च्या बाळासाहेब सानपांना बळ (व्हिडिओ)

पक्षाच्या वरिष्ठ नेत्यांतील चर्चेनंतर नाशिक पूर्व मतदारसंघातील 'मनसे'चे उमेदवार अशोक मुर्तडक यांनी आज माघार घेतली. त्यामुळे राष्ट्रवादी कॉंग्रेसचे बाळासाहेब सानप यांची निवडणूक सोपी झाली आहे. भारतीय जनता पक्षाचे राहुल ढिकले यांना सोपी वाटणाऱ्या लढतीचे चित्र आज माघारीच्या दिवशी अटीतटीचे बनले आहे.
Ashok Murtadak - Balasaheb Sanap
Ashok Murtadak - Balasaheb Sanap

नाशिक : पक्षाच्या वरिष्ठ नेत्यांतील चर्चेनंतर नाशिक पूर्व मतदारसंघातील 'मनसे'चे उमेदवार अशोक मुर्तडक यांनी आज माघार घेतली. त्यामुळे राष्ट्रवादी कॉंग्रेसचे बाळासाहेब सानप यांची निवडणूक सोपी झाली आहे. भारतीय जनता पक्षाचे राहुल ढिकले यांना सोपी वाटणाऱ्या लढतीचे चित्र आज माघारीच्या दिवशी अटीतटीचे बनले आहे.

शिवसेना, भारतीय जनता पक्ष युतीच्या उमेदवाराविरोधीत मतविभागणी टाळण्यासाठी गेले दोन दिवस चर्चा सुरु होती. यासंदर्भात काल सायंकाळी मुंबईत मनसे प्रमुख राज ठाकरे आणि राष्ट्रवादी कॉंग्रेसच्या नेत्यांत चर्चा झाली होती. पुण्यात कोथरुड मतदारसंघात भाजपचे प्रेदशाध्यक्ष चंद्रकांत पाटील यांच्या विरोधात मनसेच्या उमेदवाराला दोन्ही कॉंग्रेसने पाठींबा देऊन सरळ लढत निर्माण केली होती. ते सूत्र लक्षात घेऊन नाशिक पूर्व मतदारसंघात भाजपला आव्हान देण्यासाठी नवी राजकीय समिकरणे निर्माण झाली. 

भाजपने विद्यमान आमदार बाळासाहेब सानप यांना उमेदवारी न देता मनसेचे राहूल ढिकले यांना उमेदवारी दिली होती. त्यामुळे नाराज झालेल्या सानप यांच्यावर उमेदवारीसाठी दबाव होता. त्यांनी अपक्ष उमेदवारी करण्याचा निर्णय घेतला होता. मात्र, ऐनवेळी राष्ट्रवादी कॉंग्रेसने त्यांना उमेदवारी दिली. त्यानंतर मनसेचे माजी महापौर अशोक मुर्डक यांनी माघार घेतल्याने आता पूर्व मतदारसंघा भाजपला एकास एक लढत द्यावी लागेल. त्यात ही निवडणूक शेवटच्या क्षणी चुरशीची झाली आहे. आमदार सानप यांचा मोठा संपर्क आहे. गेल्या पाच वर्षात त्यांची विकासकामे तसेच महापालिकेतील नगरसेवकांचा एक मोठा गट त्यांच्या संपर्कात आहे. त्यामुळे भाजपला अंतर्गत बंडाळीचा धोका निर्माण झाला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com