पुणे : राज्याच्या विधीमंडळात सत्तेच्या नव्हे तर विरोधी बाकांवर बसविण्याचे आवाहन करण्यासाठी महाराष्ट्र नवनिर्माण सेनेचे अध्यक्ष राज यांच्यासोबतच यांच्यासह 19 जणांची टीम प्रचाराच्या मैदानात उतरणार आहेत. निवडणुकीच्या रगांगणात 104 उमेदवार उतरवून मनसे आता विरोधी पक्ष म्हणूून कामगिरी बजाविण्याच्या प्रयत्नात आहे.
महाराष्ट्र नवनिर्माण सेनेच्या वतीने स्टार प्रचारकांची यादी जाहीर करण्यात आली आहे. त्यात स्टार प्रचारकांमध्ये बाळा नांदगावकर, दीपक पायगुडे, नितीन सरदेसाई, अविनाश अभ्यंकर, संजय चित्रे, जयप्रकाश बाविस्कर, अनिल शिदोरे, प्रमोद पाटील, अभिजीत पानसे, मनोज चव्हाण, आदित्य शिरोडकर, परशुराम उपरकर, हेमंत गडकरी, बाबा जाधवराव, राजा चौगुले, संदीप देशपांडे, रिटा गुप्ता यांचा समावेश आहे.
मनसेच्या वतीने पुणे शहरात पाच आणि जिल्ह्यात दोन असे एकूण सात उमेदवार निवडणुकीच्या रिंगणात आहेत. त्यात कसबा मतदारसंघातून अजय शिंदे, शिवाजीनगर येथून सुहास निम्हण, कोथरूडमधून किशोर शिंदे, हडपसरमधून वसंत मोरे, पुणे कॅन्टोन्मेंटमधून मनीषा सरोदे निवडणूक लढवीत आहेत. तर, ग्रामीणमध्ये शिरूर मतदारसंघातून कैलास नरके आणि भोरमधून अनिल मातेरे निवडणूक लढवीत आहेत. या उमेदवारांच्या प्रचारासाठी राज ठाकरे यांच्यासह शालिनी ठाकरे, पायगुडे, शिदोरे यांच्यासह इतर नेते सभा घेणार आहेत.
ठाकरेंच्या सभेसाठी मैदानाचा शोध
राज ठाकरे यांची दोन दिवसांपूर्वीची पुण्यातील सभा पावसामुळे रद्द झाली. ही सभा पुन्हा सोमवारी (ता. 14) घेण्यासाठी पक्षाकडून प्रयत्न सुरू आहेत. मंडई येथे सभा घेण्यासाठी महापालिका आणि वाहतूक विभागाकडे परवानगी मागितली आहे. परंतु अद्याप ती मिळालेली नाही, असे मनसेचे शहराध्यक्ष अजय शिंदे यांनी सांगितले
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.