विधीमंडळाच्या विशेष अधिवेशनामुळे आमदारांचा ऑस्ट्रेलिया दौरा लांबणीवर

अवघ्या १० दिवसानंतर म्हणजे १ मे रोजी हे आमदार दौ-यावर जाणार होते. १५ मे पर्यंत दौ-याचा कालावधी होता. त्यासाठी व्हिसा काढण्यापासूनचे सोपस्कारही युद्धपातळीवर सुरू होते. बँगा भरून तयारीत असलेल्या या आमदारांच्या उत्साहावर विशेष अधिवेशनामुळे विरजण पडले आहे.
Aero.jpg
Aero.jpg

मुंबई - जीएसटीच्या विधेयकाला मंजुरी देण्याच्या अनुषंगाने विधीमंडळाचे विशेष अधिवेशन पुढील महिन्यात बोलविण्याचा तत्वत:  निर्णय झाला आहे. त्यामुळे याच कालावधीत आमदारांसाठी निश्चित केलेला ऑस्ट्रेलिया दौरा लांबणीवर टाकण्यात येणार आहे. जून महिन्यात हा दौरा होईल, असे विधीमंडळातील अधिकृत सूत्रांनी 'सरकारनामा'शी बोलताना सांगितले.

अवघ्या १० दिवसानंतर म्हणजे १ मे रोजी हे आमदार दौ-यावर जाणार होते. १५ मे पर्यंत दौ-याचा कालावधी होता. त्यासाठी व्हिसा काढण्यापासूनचे सोपस्कारही युद्धपातळीवर सुरू होते. बँगा भरून तयारीत असलेल्या या आमदारांच्या उत्साहावर विशेष अधिवेशनामुळे विरजण पडले आहे.

ऑस्ट्रेलियातील संसदीय कार्यपद्धतीचा अभ्यास करण्यासाठी विधानपरिषदेतील तब्बल २१ आमदार दौ-यावर जाणार होते. यांत विधानपरिषदेचे सभापती रामराजे नाईक - निंबाळकर, उपसभापती माणिकराव ठाकरे यांचाही समावेश होता. १५ दिवसाच्या कालावधीत तेथील संसदेला भेट देणे, तेथील राजकीय व प्रशासकीय व्यवस्थेचा अभ्यास करणे, तेथील मान्यवरांच्या भेटी घेणे असा कार्यक्रम ठरला होता.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com