सातारा : मराठा समाजाला आरक्षण मिळावे, या मागणीसाठी पुकारण्यात आलेल्या महाराष्ट्र बंदला साताऱ्यात उस्फुर्त प्रतिसाद मिळाला. आंदोलनात वाईत आमदार मकरंद पाटील तर पाटणमध्ये आमदार शंभूराज देसाई आंदोलनात सहभागी झाले.
तासवडे टोलनाक्यावर धरणे आंदोलन करून मराठा समाजाने तेथे भजन आंदोलन केले. वाई येथील आंदोलनात राष्ट्रवादीचे आमदार मकरंद पाटील हे सहभागी झाले होते. तर पाटण मध्ये मोर्चा काढून ठिय्या आंदोलन करण्यात आले.
या मोर्चात शिवसेनेचे आमदार शंभूराज देसाई हे सहभागी झाले होते. हे दोन आमदार वगळता उर्वरित ठिकाणी कोणीही आमदार फिरकले नाहीत. जिल्ह्यात राष्ट्रवादीचे पाच, कॉंग्रेसचे दोन तर शिवसेनेचा एक असे आठ आमदार आहेत. आठपैकी केवळ दोनच आमदारांनी मराठा आंदोलनात सहभाग नोंदविला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.