नऊ दिवसाच्या बालकासाठी आमदार बाबर तहसिल कार्यालयात 

अनिल बाबर म्हणाले,"मी तिथल्या कर्मचाऱ्यांना म्हणालो आपल्या इमारतीच्या भिंती दगडाच्या आहेत म्हणून मन दगडाची करू नका. लोकांची काम करा, त्यांचे आशीर्वाद घ्या.
नऊ दिवसाच्या बालकासाठी आमदार बाबर तहसिल कार्यालयात 

पुणे: सोमवारी दुपारी चार वाजता खानापूरचे आमदार अनिल बाबर एका दाखल्यासाठी तहसीलदार कार्यालयात आले. आमदार जेव्हा कार्यालयात आले तेव्हा तिथे दोनच कर्मचारी उपस्थित होते तर तहसीलदार तालुक्‍याच्या दौऱ्यावर होते. आमदारांना ही गोष्ट कळताच त्यांनी तहसीलदारांना फोन करून "बाकीची कामे थांबवा आणि आजच्या आज दाखला द्या' असं ठणकावले. 

खानापूर तालुक्‍यातील एका नऊ दिवसाच्या बालकाची तातडीने हृदयाची शस्त्रक्रिया करायची आहे. त्यासाठी शासकीय मदत मिळावी म्हणून दाखला हवा होता. तो दाखला तातडीने मुंबईला पाठवायचा होता. पण विटा कार्यालयातील लिपिकांनी दाखला द्यायला टाळाटाळ केली. दाखला मिळावा म्हणून मुलाचा नातेवाईक सकाळपासून कार्यालयात बसून होता. दाखला मिळायला उशीर झाल्यावर त्याने थेट फोन करून ती बाब अनिल बाबर यांच्या कानावर घालली. त्या फोननंतर आमदार बाबर तहसीलदार कार्यालयात आले.त्यांनी तहसीलदार कोठे आहेत? असं विचारल्यावर तालुक्‍याच्या दौऱ्यावर आहेत अस सांगितलं गेलं. तेव्हा बाबर यांनी त्याना फोन करून बाकीची काम राहुद्या दाखला द्या, अस ठणकावून सांगितलं. 

आमदार अनिल बाबर यांना एका दाखल्यासाठी तहसीलदार कार्यालयात यावं लागलं या घटनेची चर्चा सुरु झाली. त्याचवेळी आमदारांची संवेदनशीलता आणि शासकीय यंत्रणेची संवेदनशून्यता लोकांच्यासमोर आली. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com