मराठा आरक्षणाचा प्रश्‍न आयोगाकडे सोपवा - मेटे

हा विषय राज्य मागासवर्ग आयोगाकडे गेला, तरआयोगाला पूर्वीच्या पूर्वग्रह दूषितपणातून घेतलेल्या निर्णयाची समीक्षाकरता येईल. आम्ही नव्याने दिलेल्या पुराव्यांचा विचार करता येईल. उच्चन्यायालयाला या बाबींसाठी तितकासा वेळ देता येणार नाही. त्यामुळे मराठाआरक्षणाचा विषय मागासवर्ग आयोगाकडे सोपवावा .
मराठा आरक्षणाचा प्रश्‍न आयोगाकडे सोपवा - मेटे

बीड : मराठा आरक्षणाच्या प्रश्‍नात ठोस भूमिका घेण्याचे निर्देश उच्च न्यायालयाने सरकारला दिल्यानंतर आरक्षणाचा विषय मागासवर्ग आयोगाकडे सोपवणेच उचित राहील, सरकारनेही अशीच भूमिका घ्यावी अशी मागणी आपण शिवसंग्रामच्या वतीने मुख्यमंत्र्यांना केली आहे. फडवणीस यांनी देखील त्याबाबत अनुकूलता दर्शवल्याचे आमदार विनायक मेटे यांनी बीडमध्ये
सांगितले.

मराठा आरक्षण शिवसंग्रामच्या अस्मितेचा प्रश्‍न असून सुरवातीपासूनच आम्ही यासाठी संघर्ष केला आहे. हा विषय राज्य मागासवर्ग आयोगाकडे गेला, तर आयोगाला पूर्वीच्या पूर्वग्रह दूषितपणातून घेतलेल्या निर्णयाची समीक्षा करता येईल. आम्ही नव्याने दिलेल्या पुराव्यांचा विचार करता येईल.

उच्च न्यायालयाला या बाबींसाठी तितकासा वेळ देता येणार नाही. त्यामुळे मराठा आरक्षणाचा विषय मागासवर्ग आयोगाकडे सोपवावा, अशी भूमिका सरकारने घ्यावी यासंदर्भात आपण मुख्यमंत्री फडणवीस आणि विनोद तावडे यांच्याशी बोलल्याचे
मेटे म्हणाले. सरकार या भूमिकेशी अनुकूल असून गुरुवारी (ता. चार) तसे शपथपत्र न्यायालयात देणार असल्याचे त्यांनी सांगितले.

शिवस्मारक फेरनिविदेचा अद्याप निर्णय नाही

शिवस्मारकासाठी आलेल्या निविदांमधील किंमतीत मोठा फरक आहे, त्यामुळे याबाबत सल्लागार संस्था आणि निविदाकार यांच्याशी चर्चा केली जाणार आहे. 

या कामाच्या फेरनिविदा करण्याचा कुठलाही निर्णय अद्याप झालेला नसल्याचे मेटे यांनी स्पष्ट केले. 2300 कोटी रुपयांच्या पहिल्या टप्प्यासाठी रिलायन्स, अफकॉन्स, लार्सन ऍण्ड टुब्रो या कंपन्यांच्या निविदा आल्या असून सादरीकरणात रिलायन्स बाद झाली असल्याचे सांगत चार दिवसांपासून शिवस्मारकाच्या कामासाठी फेरनिविदा निघणार या चर्चेत तथ्य नसल्योचे
सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com