कऱ्हाड : सोशल मीडियावर महाविकास आघाडी सरकारसह मुख्यमंत्री उद्धव ठाकरे यांची बदनामी केल्याप्रकरणी कऱ्हाड तालुका पोलिस ठाण्यात दोघांवर सायंकाळी उशीरा गुन्हा दाखल झाला आहे. विद्यार्थी राष्ट्रवादी काँग्रेसचे जिल्हा संघटक अक्षय शिंदे यांनी याबाबतची तक्रार दिली आहे. आकाश ठाकूर (रा. अमरावती) व रणजीतसिंग राणा अशी गुन्हा दाखल झालेल्यांची नावे आहेत.
पोलिसांनी दिलेली माहिती अशी, कऱ्हाड तालुक्यातील सुपने येथील अक्षय शिंदे राष्ट्रवादीच्या विद्यार्थी संघटनेचे जिल्हा संघटक आहेत. सचिन कुर्‍हाडे पक्षाच्या सोशल माध्यम सेलचे जिल्ह्याचे काम पाहतात. सोशल माध्यमावर मुख्यमंत्री उद्धव ठाकरे, राष्ट्रवादीचे अध्यक्ष शरद पवार यांच्यासह महाविकास आघाडी सरकारची बदनामी होईल, अशा आशयाच्या पोस्ट व फोटो 12, 15, 16 आणि 19 ऑक्टोबर संबंधितांनी टाकले होते.
अक्षय यांच्या ते निदर्शनास आले. त्यांनी राष्ट्रवादीच्या सोशल मिडीया सेलचे जिल्हाध्यक्ष सचिन कुर्‍हाडे यांच्या ही बाब निदर्शनास आणून दिली. त्यावेळी संबंधित सोशल मिडियावरील ग्रुप अमरावतीच्या आकाश ठाकूर (रा. अमरावती) यांनी केला आहे, असे स्पष्ट झाले. त्याबाबत अक्षय शिंदे यांनी आकाश ठाकूर व रणजीतसिंग राणा यांच्याविरोधात कऱ्हाड तालुका पोलिसात तक्रार दिली आहे. त्यावरून गुन्हा दाखल करण्यात आला आहे. फौजदार गणेश कड तपास करीत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.