झेडपी सर्वसाधारण सभा : आज सत्ताधारी विरोधकांचा डाव हाणून पाडणार का ?

नागपूर (Nagpur) जिल्ह्यात नागरी व जनसुविधांची कामे रखडली आहे. विरोधकांकडून यासाठी थेट पालकमंत्र्यांवर (Guardian Minister) हल्लाबोल करण्यात आला.
Nagpur ZP
Nagpur ZPSarkarnama

नागपूर : गेल्या काही दिवसांपासून नागपूर (Nagpur) जिल्हा परिषद (ZP) चांगलीच चर्चेत राहिली आहे. सत्ताधारी, विरोधक आणि पालकमंत्री असा सामना सध्या रंगतोय. त्यातच पावसाळा तोंडावर येऊनही कामे रखडलेली आहेत. त्यामुळे विरोधकांच्या हाती आयते कोलित लागले आहे. आज सर्वसाधारण सभेत विरोधक सत्ताधाऱ्यांना अडचणीत आणण्याची एकही संधी सोडणार नाही. पण सत्ताधारी विरोधकांचा डाव हाणून पाडणार का, हे पाहणे औत्सुक्याचे ठरणार आहे.

विद्यमान पदाधिकाऱ्यांची ही शेवटी सभा असणार आहे. पाणी टंचाई योजना व रखडलेल्या कामांवरून विरोधक सत्ताधाऱ्यांना घेरण्याच्या तयारीत आहे. तर सत्ताधाऱ्यांकडून त्यांच्या डाव हाणून पाडण्यासाठी नवीन खेळी खेळणार असल्याचे सांगण्यात येत आहे. पावसाळा सुरू होणार आहे. परंतु अद्याप पाणी टंचाईची कामे झाली नाही. त्यातच नागपूर जिल्ह्यात नागरी व जनसुविधांची कामे रखडली आहे. विरोधकांकडून यासाठी थेट पालकमंत्र्यांवर (Guardian Minister) हल्लाबोल करण्यात आला. दुसरीकडे पालकमंत्र्यांकडून फायली आल्याच नसल्याचे स्पष्ट करण्यात आले.

पालकमंत्र्यांकडून अप्रत्यक्षरीत्या अध्यक्षांकडे बोट दाखविण्यात आले. त्यामुळे या फाईल गेल्या कुठे, असा प्रश्न निर्माण होत आहे. फायलींच्या मुद्यावरून सत्ताधाऱ्यांची कोंडी होण्याची शक्यता आहे. पावसाळी सुरू होत असताना अद्याप नाली, रस्त्यांच्या कामांना मंजुरी मिळाली नाही. त्यामुळे पावसाळ्यात मोठा प्रश्न निर्माण होण्याची शक्यता आहे. विरोधक सत्ताधाऱ्यांना घेरण्याच्या तयारीत असताना दुसरीकडे सत्तापक्षातीलच अनेक सदस्य प्रशासनाच्या कामावर नाराज आहे. कामे होत नसल्याची त्यांची ओरड आहे.

Nagpur ZP
नागपूर जिल्हा परिषद शिक्षण समिती सदस्य सभापतींवर वैतागल्या

साध्या तक्रारीवर कोणतीही कारवाई होत नसल्याने सत्तापक्षात राहून उपयोग काय, असा सवाल त्यांच्याकडून होत आहे. पक्षातील अनेक सदस्यांमध्ये खदखद असून सभेच्या माध्यमातून ती बाहेर निघण्याची शक्यता आहे. कृषी समितीने १ कोटींचा निधी वाढवून देण्याची मागणी केली होती. अर्थसंकल्पासंदर्भातील अर्थ समितीमधील इतिवृत्त कायम झाले नाही. त्यामुळे कृषी विभागासह इतर मागण्याच्याबाबतीत करण्यात आलेल्या कार्यवाहीचा जाबही सदस्यांकडून विचारल्या जाणार असल्याची माहिती आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com