अकोल्यातील दोन पंचायत समित्यांवर 'वंचित'चा गड कायम
Akola & Telhara Panchayat Samiti ResultsSarkarnama

अकोल्यातील दोन पंचायत समित्यांवर 'वंचित'चा गड कायम

उज्वला काळपांडे यांनी काँग्रेसला (Congress) सोडचिठ्ठी देत 'वंचित'मध्ये (VBA) प्रवेश करून सभापती पद मिळविले आहे.

अकोला : अकोल्यातील (Akola) पंचायत समित्यांच्या पोटनिवडणुकीनंतर सभापतीपद (Panchayat Samiti Chairman) रिक्त झालेल्या अकोल्यातील तेल्हारा आणि अकोला पंचायत समितीवर अपेक्षेप्रमाने वंचित बहुजन आघाडीने आपली सत्ता कायम राखत आपला 'गड' राखला आहे.

Akola & Telhara Panchayat Samiti Results
अकोल्यात बालमित्र आमने-सामने, भाजपने टाळले; शिवसेनेचे शक्ती प्रदर्शन...

ओबीसी आरक्षण (OBC Reservation) रद्द झाल्याने जिल्ह्यातील सातही पंचायत समितीच्या रिक्त झालेल्या ओबीसींच्या जागांची पोटनिवडणुक पार पडली. दरम्यान, अकोला आणि तेल्हारा पंचायत समितीची सभापती पद रिक्त झाल्याने या ठिकाणी सभापती पदासाठी आज (ता.22 नोव्हेंबर) निवडणूक पार पडली. यामध्ये अकोला पंचायत समिती सभापती पदाकरीता राजेश वावकार तर, तेल्हारा पंचायत समिती सभापती पदाकरीता उज्वला हेमराज काळपांडे ह्या बिनविरोध निवडुन आले आहेत. त्यामुळे अकोल्यातील दोनही पंचायत समितीचा गड 'वंचित'ने राखला आहे. विशेष म्हणजे तेल्हारा पंचायत समिती मध्ये वंचितकडे सभापती पदासाठी उमेदवार नसल्याने काँग्रेसच्या काळपांडे यांनी काँग्रेसला सोडचिठ्ठी देत. वंचितमध्ये प्रवेश करत सभापती पद मिळविले आहे.

Akola & Telhara Panchayat Samiti Results
राणेंची एकनाथ शिंदेंना मोठी ऑफर; राजकीय वर्तुळात रंगली चर्चा

या निवडणुकीत वंचित बाजी मारेल असा अनेक राजकीय जाणकारांनी अंदाज बांधला होता. त्यानुसार आज 'वंचित'ने सत्ता कायम राखली आहे. जिल्ह्यातील सहा पंचायत समितींच्या उपसभापतींची निवडणूक आटोपल्यानंतर अकोला व तेल्हारा पंचायत समितीच्या सभापती पदाच्या निवडणुकीची तयारी सुरु होती. दोन्ही सभापती पदासाठी वंचित बहुजन आघाडीचे पारडे जड असल्याचे दिसून येत होते. 20 सदस्य संख्या असलेल्या अकोला पंचायत समितीमध्ये वंचितचे 11 तर तेल्हारा पंचायत समितीमधील 16 पैकी 9 सदस्य वंचितचे आहेत. तर कॉंग्रेसच्या पंचायत समिती सदस्य उज्ज्वला काळपांडे यांनी गुरुवारीच (ता.१८ नोव्हेंबर) वंचितमध्ये प्रवेश केल्याने वंचितची सदस्य संख्या दहा झाली होती. त्यामुळे दोन्ही पंचायत समितीवर वंचितचा झेंडा फडकणार हे स्पष्टच होते.

Related Stories

No stories found.
Sarkarnama
www.sarkarnama.in