नवनीत राणांचे आक्षेपार्ह फोटो सोशल मीडियात व्हायरल; सहा जणांवर अदखलपात्र गुन्हा

अमरावतीच्या राजापेठ पोलीस ठाण्यात नवनीत राणा यांचे स्वीय सहाय्यक विनोद गुहे यांनी तक्रार केली आहे.
Navneet Rana
Navneet Ranasarkarnama

अमरावती : राजद्रोहाच्या आरोपाखाली तुरूंगात असलेल्या खासदार नवनीत राणा (Navneet Rana) यांचे आक्षेपार्ह फोटो फेसबुक व अन्य सोशल मीडियातून व्हायरल केल्याचे समोर आलं आहे. याप्रकरणी अमरावतीतील राजापेठ पोलीस ठाण्यात सहा जणांविरूध्द अदखलपात्र गुन्हा दाखल करण्यात आला आहे.

नवनीत राणा यांचे स्वीय सहाय्यक विनोद गुहे यांनी तक्रार दाखल केली. राजापेठ पोलिसांनी याप्रकरणी 6 जणांविरुद्ध कलम 500 व 501 नुसार गुन्हा नोंदवला आहे. दरम्यान सध्या नवनीत राणा व त्यांचे पती आमदार रवी राणा (Ravi Rana) हे न्यायालयीन कोठडीत आहेत. त्यांनी जामीनासाठी मुंबई सत्र न्यायालयात अर्ज केला आहे. त्यावर शुक्रवारी राज्य सरकारच्या वतीने लेखी म्हणणे मांडण्यात आले असून शनिवारी पुढील सुनावणी होणार आहे. (Navneet Rana Latest Marathi News)

Navneet Rana
राजधानीत विजेचं संकट गडद; रुग्णालयांना दिला सतर्कतेचा इशारा

राणा दाम्पत्याच्या जामीन अर्जावर आज (ता. 29) सत्र न्यायालयात सुनावणी झाली. सरकारच्यावतीने अॅड. प्रदीप घरत (Pradeep Gharat) यांनी न्यायालयात लेखी स्वरूपात सरकारची बाजू सादर केली. तर राणांच्या वतीने त्यांच्या वकीलांनीही जामीनाची मागणी करत बेकायदेशीरपणे त्यांना अटक केल्याचे सांगितले. पण न्यायालयाने आता यावर शनिवारीही सुनावणी ठेवली आहे. त्यामुळे राणांचा तुरुंगातील मुक्काम वाढला आहे. शनिवारी सरकारच्यावतीने युक्तीवाद केला जाणार आहे.

अॅड. प्रदीप घरत यांनी सांगितले की, आज लेखी युक्तीवाद सादर केला आहे. त्यानंतर न्यायालय जी तारीख देईल. त्यानुसार आम्ही युक्तीवाद करू. त्यांनी जामीनासाठी अर्ज केला आहे. पण त्यांच्याविरोधातील कलम गंभीर आहे. राजद्रोहाच्या गुन्ह्यासाठी जन्मठेपेची शिक्षा आहे. त्यांना जामीन झाला तर दबाव येऊ शकतो. कायदा-सुव्यवस्थेचा प्रश्न निर्माण होऊ शकतो. रवी राणा यांच्याविरोधात 17 आणि नवनीत राणा यांच्याविरोधा सहा गुन्हे दाखल आहेत. त्यापैकी काही गंभीर स्वरूपाचे गुन्हे आहेत. नवनीत राणा यांच्याविरोधात मुलुंड पोलीस ठाण्यात बनावट कागदपत्रांचा गुन्हा आहे. बोरीवली येथून त्यांनी खोटा शाळेचा दाखला मिळवला होता. हे मुद्दे न्यायालयासमोर मांडून जामीनाला विरोध केला जाणार असल्याचे घरत यांनी स्पष्ट केलं.

दरम्यान, मुख्यमंत्री उद्धव ठाकरे (Uddhav Thackeray) यांच्या मातोश्री निवासस्थानासमोर हनुमान चालिसा पठण करण्याची घोषणा राणा दाम्पत्याने केली होती. त्यासाठी आदल्यादिवशी ते दोघेही त्यांच्या खार येथील निवासस्थानी आले होते. पण पोलिसांनी त्यांना मातोश्रीसमोर न जाण्याची नोटीस बजावली होती. पण यादरम्यान शिवसैनिकांच्या राणांच्या घरासमोर जोरदार आंदोलन केले. दिवसभर मोठा राडा झाला होता. यादरम्यान पोलिसांनी दोघांनाही अटक केली. त्यांच्यावर राजद्रोहाचा गुन्हाही दाखल करण्यात आला आहे. त्यांना न्यायालयात हजर केल्यानंतर 14 दिवसांची न्यायालयीन कोठडी सुनावली आहे. याठिकाणी घरचं जेवण मिळावं, अशी मागणी राणांनी गुरूवारी न्यायालयात केली आहे.

Navneet Rana
आम्हाला घरचं जेवण पाहिजे! राणा दाम्पत्यानं केली न्यायालयाकडं मागणी

राणांकडून पोलिसांवर गंभीर आरोप

आपण मागासवर्गीय असल्याने खार पोलीस ठाण्यात आपल्याला पोलिसांनी पाणी दिले नाही, अशी गंभीर तक्रार नवनीत राणा यांनी लोकसभा अध्यक्षांकडे केली आहे. या आरोपांबाबत आता नवनवीन माहिती समोर येत आहे. मुंबई पोलीस आयुक्तांकडून पोलीस ठाण्यातील चहा पितानाचा व्हिडीओ, राणांच्या वकिलांनी नंतर केलेला खुलासा अन् आता राणांनीच न्यायालयात दिलेली माहिती यावरून आता या प्रकरणात पुन्हा ट्विस्ट आला आहे.

लोकसभा अध्यक्ष ओमप्रकाश बिर्ला (Omprakash Birla) यांना राणांनी पत्र लिहिलं आहे. त्यानंतर मुंबईचे पोलीस आयुक्त संजय पांडे (Sanjay Pandey) यांनी मंगळवारी राणा दाम्पत्याचा पोलीस ठाण्यात चहा पितानाचा व्हिडीओ ट्विट केला. पण काही तासांतच राणांचे वकील रिझवान मर्चंट यांनी राणांना दिलेली वागणूक सांताक्रूझ पोलीस ठाण्यातील असल्याचा दावा केला आहे. मर्चंट यांच्या या दाव्यामुळे प्रकरणाला पुन्हा एका वेगळं वळण लागलं आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com