Nitin Gadkari News : धक्कादायक : नितीन गडकरींना दाऊदच्या नावाने जीवे मारण्याची धमकी

Nitin Gadkari News : भाजपचे ज्येष्ठ नेते, केंद्रीय मंत्री नितीन गडकरी यांना जीवे मारण्याची धमकी देण्यात आली आहे. यामुळे राजकीय वर्तुळात खळबळ उडाली आहे.

आज (शनिवारी) साडेअकरा वाजण्याच्या सुमारात हा प्रकार घडला. पोलिस प्रशासन या प्रकरणाची कसून चौकशी करीत आहे.

नितीन गडकरी यांच्या नागपूर येथील जनसंपर्क कार्यालयात दोनवेळा दाऊदच्या नावाने धमकीचे फोन आल्याची प्राथमिक माहिती आहे.

गडकरी सध्या नागपुरात एका कार्यक्रमात आहे. या धमकीच्या फोननंतर गडकरींच्या सुरक्षा व्यवस्थेत वाढ करण्यात आली आहे. त्यांचे घर आणि कार्यालयाजवळ सुरक्षा व्यवस्था वाढविण्यात आली आहे.

एटीएसचे पथक या ठिकाणी आले आहे. कुख्यात गुन्हेगार डॅान दाऊद याच्या नावाने धमकी दिल्यानंतर पोलिस यंत्रणा कामाला लागली आहे. फोनवर शंभर कोटी रुपयांची खंडणी मागितल्याचे समजते.