Nagpur RTO : नागपूरमध्ये आरटीओ अधिकारी बदल्यांचे रॅकेट? पंचतारांकित हॉटेलमध्ये काय शिजलं?

Nagpur RTO : नागपूर आरटीओमध्ये बदलीचं एक मोठं रँकेट सुरू आहे का? याची चौकशी नागपूर पोलिसांची एसआयटी करणार आहे. यामागचं कारण म्हणजे दोन दिवसांपूर्वी नागपूरमधील एक कथित ऑडिओ क्लिप व्हायरल झाली आहे. या क्लिपमध्ये दोन परिवहन निरिक्षक बदलीसंदर्भात बोलत असताना आढळून आले आहे. (RTO Transfer)

खाडे नावाचे निवृत्त परिवहन अधिकारी नागपूरात आले आहेत. खाडे यांनी नागपूरसह आजूबाजूच्या जिल्ह्यातील बदलीस पात्र असलेल्या, सर्व परिवहन अधिकाऱ्यांना एका पंचतारांकित हॉटेलमध्ये बोलावले आहे, असे संभाषण या कथित ऑडिओ क्लिपमध्ये करण्यात आले आहे. पोलिसांच्या एसआयटीमध्ये गुन्हे विभागासह, आर्थिक गुन्हे शाखेच्या अधिकाऱ्यांचाही समावेश आहे. या एसआयटीने संबंधित पंचतारांकिंत हॉटेलमधील आठ सीसीटिव्ही कॅमेरे प्रत्येकी दहा तासांचे फुटेज ताब्यात घेतलं आहे.

नागपूरचे पोलिस आयुक्त अमितेश कुमार यांनी या प्रकरणी पत्रकार परिषद घेऊन माहिती दिली आहे. कुमार म्हणाले, नागपूरच्या एका हॉटेलमध्ये एक निवृत्त अधिकारी यऊम बदली संदर्भात काहींच्या भेटी घेतल्या होत्या, त्या संदर्भात त्यासाठी तपासाची एक टीम तयार करण्यात आलेली आहे.