BJP-Congress : भाजपसमोर कॉंग्रेस मराठा कार्डने उभे करणार ‘हे’ आव्‍हान !

अकोला, (Akola) बुलडाणा आणि वाशीमसह अमरावती विभागातील पाच जिल्ह्याचे कार्यक्षेत्र असलेल्या अमरावती विभागीय पदवीधर मतादरसंघाची सध्या मतदार नोंदणी जोमाने सुरू आहे.
BJp - Congress
BJp - CongressSarkarnama

अकोला : विधान परिषदेच्या अमरावती विभागीय पदवीधर मतदारसंघाची निवडणूक लवकरच जाहीर होणार आहे. त्यासाठी भाजपचे विद्यमान आमदार डॉ. रणजित पाटील यांच्या नावाची घोषणा केली आहे. त्यांच्या विरोधात काँग्रेस मराठा कार्ड वापरण्याची शक्यता आहे. त्यासाठी अकोला येथील काँग्रेसचे प्रदेश प्रवक्ते डॉ. सुढीर ढोणे यांचे नाव चर्चेत आहे.

अकोला, (Akola) बुलडाणा आणि वाशीमसह (Washim) अमरावती (Amravati) विभागातील पाच जिल्ह्याचे कार्यक्षेत्र असलेल्या अमरावती विभागीय पदवीधर मतादरसंघाची सध्या मतदार नोंदणी जोमाने सुरू आहे. त्यासाठी विद्यमान आमदार डॉ. पाटील व काँग्रेसतर्फे डॉ. ढोणे यांनी प्रयत्न चालविले आहे. सोबतच युवा नेते शरद झाबरे यांनी पदवीधर मतदारसंघातून निवडणूक (Election) लढविणार असल्याचे जाहीर केले आहे. त्यामुळे यावेळी होणाऱ्या निवडणुकीत चांगलीच सुरूस राहण्याची शक्यता आहे.

या मतदारसंघाचे विद्यमान आमदार डॉ. पाटील यांनी १२ वर्षांपूर्वी ज्येष्ठ आमदार बी.टी. देशमुख यांचा पराभव करून विजय मिळविला होता. त्यांनी सलग दोन वेळा हा मतदारसंघ कायम राखण्यात यश मिळविले. गतवेळीही त्यांना काँग्रेस-राष्ट्रवादी काँग्रेसने आव्हान दिले होते. यावेळी पुन्हा एकदा काँग्रेसने डॉ. पाटील यांच्या विरोधात ओबीसी-मराठा उमेदवार रिंगणात उतरविण्याची तयारी केली आहे.

BJp - Congress
अकोला जिल्ह्यातून मंत्रिपदाची लॉटरी कुणाला? सावरकर, बच्चू कडू यांना संधी मिळणार?

मुंबईतील बैठकीत झाली चर्चा

पदवीधर मतदारसंघाच्या आगामी निवडणुकीच्या तयारीसाठी अमरावती विभागातील पाचही जिल्ह्यातील पदाधिकाऱ्यांची मंगळवारी मुंबई येथे बैठक झाली. प्रदेशाध्यक्ष नाना पटोले यांच्या उपस्थित झालेल्या या बैठकीत उमेदवारांच्या नावावर चर्चा झाली. मात्र, अद्याप उमेदवाराचे नावावर अंतिम निर्णय झाला नाही.

डॉ. ढोणेंचे नाव आघाडीवर

शिक्षणक्षेत्रासोबत राजकारणात गेले अनेक वर्षांपासून सक्रिय असलेले डॉ. सुधार ढोणे यांनी काँग्रेसतर्फे निवडणूक लढविण्याची इच्छा जाहीर केली होती. त्यांच्या नावावरही मुंबईतील बैठकीत चर्चा झाली. अकोल्यातून या मतदारसंघासाठी काँग्रेसतर्फे डॉ. ढोणे हे एकमेव नाव आघाडीवर आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com