Akot Bazar Samit Result : प्रस्थापितांचे वर्चस्व मोडून काढत, सहकार पॅनेलच्या १५ उमेदवारांचा विजय!

Akot Bazar Samit Result : अकोटमधील माजी आमदार व प्रशासक यांच्या राजकीयवर्चस्वाला धक्का देत, त्यांच्या पॅनेलचा पराभत करत, अकोट कृषी उत्पन्न बाजार (Bazar Samiti) समितीच्या निवडणुकीत सहकार पॅनलने दणदणीत विजय संपादन केला. येथे एकूण १५ जागांवर विजय मिळवत एकतर्फी विजय मिळवला. येथे सहकार पॅनेलने सत्ता कायम राखली आहे.

व्यापारी अडते मतदारसंघातून रितेश अग्रवाल व सुनील गावंडे बिनविरोध निवडून आले होते. अकोट कृषी उत्पन्न बाजार समितीसाठी शुक्रवारी मतदान झाले होते. शनिवारी मतमोजणी होऊन निकाल स्पष्ट झाले.

अकोल्यानंतर जिल्ह्यातील सर्वाधिक प्रतिष्ठेची मानली जाणारी अकोट बाजार समिती आहे. सहकारातील दिग्गज नेत्यांचे वर्चस्व असलेल्या या बाजार समितीमध्ये एकूण चार पॅनल आमने-सामने ठाकले होते. त्यात बाजार समितीमध्ये प्रशासक राहिलेले जिल्हा परिषद सदस्य गजानन पुंडकर यांच्या जयकीसान पॅनलसह माजी आमदार संजय गावंडे यांच्या शेतकरी पॅनल, अतुल म्हैसने यांच्या कास्तकार पॅनलचा व रमेश हिंगणकर यांच्या सहकार पॅनलचा समावेश होता. हिंगणकर हे सरकारातील ज्येष्ठ नेते. त्यांनी या चौरंगी लढतीमध्ये बाजी मारत अकोट बाजार समितीवरील सत्ता कायम ठेवली आहे.

सेवा सहकारी संस्था सर्वसाधारण गटातून विजय उमेदवार :

पाचडे प्रशांत मनोहरराव

हिंगणकर धीरज रमेशराव

खोटरे अतुल वामनराव

राहाणे विजय मधुकर

इंगळे बाबुराव रामचंद्र

तरोळे श्याम पुर्णाजी

डाफे गजानन गोविंदराव

सेवा सहकारी संस्था महिला विजयी उमेदवार :

सोनोने अंजली विशाल

आतकड अरुणा राजीव

सेवा सहकारी संस्था इतर मागासवर्गीय :

जायले अविनाश मोहनराव

निधीसूचित विमुक्त जाती,भटक्या जमाती :

वानखडे रमेश काशीराम

ग्रामपंचायत सर्वसाधारणमध्ये विजयी उमेदवार :

वसू कुलदीप भीमराव

सपकाळ श्रीकांत ज्ञानदेवराव