HSC Exam : बारावीच्या पेपरफुटी प्रकरणाचे धागेदोरे आता थेट अहमदनगरपर्यंत येऊन पोहोचले आहेत. बारावीचा गणिताचा पेपर फुटल्यानंतर राज्यभरात एकच खळबळ उडाली होती. त्यानंतर या प्रकरणाचा तपास मुंबई पोलिसाचे पथक करत आहे.
प्रश्नपत्रिका परीक्षा केंद्रावर आल्यानंतर त्याचे फोटो काढून व्हॉट्सअॅपच्या माध्यमातून पाठवत प्रत्येकी 10 हजार रुपये घेतल्याचा पोलिसांना संशय आहे. या प्रकरणी आता एका मुख्याध्यापकांसह पाच जणांना अटक करण्यात आली आहे.
दरम्यान, दादर येथील एका परीक्षा केंद्रावर हा प्रकार समोर आला होता. त्यानंतर तेथील एका शिक्षिकेने शिवाजी पार्क पोलीस ठाण्यात तक्रार दिली.
या नंतर पोलिसांनी या प्रकरणाचा प्राथमिक तपास केला. यामध्ये दादरमधील विद्यार्थ्यांला मिळालेली प्रश्नपत्रिका ही नगरमधील काही संशयीत आरोपींकडून मिळाल्याचे समोर आले.
त्यानंतर पोलिसांनी अहमदनगरमधील रुईछत्तीशी या गावात कारवाई करत मुख्याध्यापकांसह दोन शिक्षक, एक चालक आणि शाळा मालकाच्या मुलीला अटक करण्यात आली.
मात्र, या पेपरफुटी प्रकरणाचे धागेदोरे थेट अहमदनगरपर्यंत येऊन पोहोचल्यामुळे खळबळ उडाली आहे. दरम्यान, या पेपरफुटीचे कनेक्शन अजून कुठे आहे का? याचा तपास पोलीस करत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
