सुमित्रा महाजन यांनी राजकारणावर बोलणे टाळले!

मनमाड : शाळेचे शिक्षक (Teacher) समाजात (Society) चांगले नागरिक घडवण्याचे काम करतात. ही सामाजिक जबाबदारी (Socail responsiblity) जोपासली गेली पाहिजे. सामाजिक एकोप्याचा (Unity) भाव जोपासला गेला पाहिजे. शाळेकडून आपल्याला जे संस्कार मिळाले ते समाजात पेरले पाहिजे, असे प्रतिपादन (BJP) लोकसभेच्या माजी सभापती सुमित्रा महाजन (Sumitra Mahajan) यांनी केले. (BJP leader Sumitra mahajan avoid political coments in School programme)

राष्ट्रीय शिक्षण संस्था संचलित मध्य रेल्वे माध्यमिक व उच्च माध्यमिक विद्यालय, इंडियन हायस्कूलच्या शताब्दी महोत्सव व माजी विद्यार्थी स्नेह मेळाव्यात त्या बोलत होत्या. सुरवातीला शाळेचे संस्थापक तात्यासाहेब सप्रे यांच्या प्रतिमेचे पूजन करण्यात आले. यावेळी प्रदिर्घ काळ भाजपच्या नेत्या असलेल्या महाजन यांनी शैक्षणिक संस्थेच्या कार्यक्रमात राजकारणावर भाष्य करणे टाळले.

श्रीमती महाजन म्हणाल्या, शाळेचे शताब्दी महोत्सवी वर्ष साजरे होत आहे. एक संस्था, एक शाळा आणि तिचा इतिहास आज शंभर वर्षाचा झाला आहे. ही आपल्यासाठी अभिमानाची आणि गौरवास्पद बाब आहे.

कवी अशोक नायगावकर यांनी मनमाडच्या आठवणी जागवल्या. ते म्हणाले, मी मनमाडला असताना शाळेचे संस्थापक तात्यासाहेब सप्रे यांच्या घरात राहत असे. माझी जडणघडण येथे झाली. मनमाड आणि पाणी हे माझ्या कवितेचे विषय झाले आहे. पाणीप्रश्‍नाची आठवण सांगतांना त्यांनी विहिरीवर पाणीचोरी होऊ नये, यासाठी वॉचमन ठेवल्याचे सांगितले.

आमदार सुहास कांदे म्हणाले, सुमित्रा महाजन यांचा आदरयुक्त धाक लोकसभेत बघावयास मिळाला. अहिल्यादेवी यांचा आदर्श डोळ्यापुढे ठेवून त्यांनी कार्य केले. सर्वात जुनी आणि पहिली शाळा म्हणून इंडियन हायस्कूलकडे पाहिले जाते. शाळा शताब्दी महोत्सव साजरा करत आहे ही आपल्या मनमाडकरांसाठी अभिमान आणि आनंदाची बाब आहे.

यावेळी कवी अशोक नायगावकर, साहित्यिक मेघा सोमय्या, ज्येष्ठ संचालक डॉ. विद्याधर मालते, अरुणा सप्रे, हेमंत गवळे, प्रज्ञेश खंदाट, राजेंद्र कलाल, शाळेचे संचालक राजेंद्र गुप्ता, विकास काकडे, मुख्याध्यापक क्रांती कुंझरकर, हर्षद गद्रे, पी. बी. कुलकर्णी आदी उपस्थित होते.