गारपीटग्रस्तांना भरपाई; राज्यासाठी १२२ तर नाशिकला सर्वाधिक ५९ कोटी

मार्च, एप्रिल व मे २०२१ या कालावधीत झालेल्या गारपीट व अवेळी पावसामुळे कोकण, पुणे, नाशिक, औरंगाबाद, अमरावती, नागपूर या विभागातील जिल्ह्यांमध्ये शेतीपीकांचे व फळपिकांचे नुकसान झाले
गारपीटग्रस्तांना भरपाई; राज्यासाठी १२२ तर नाशिकला सर्वाधिक ५९ कोटी
Balasaheb Thorat, Agreeculture MinisterSarkarnama

नाशिक : यंदा मार्च, एप्रिल व मे २०२१ या कालावधीत झालेल्या गारपीट व अवेळी पावसामुळे कोकण, पुणे, नाशिक, औरंगाबाद, अमरावती, नागपूर या विभागातील जिल्ह्यांमध्ये शेतीपीकांचे व फळपिकांचे नुकसान झाले होते. या पार्श्वभूमीवर केंद्रीय व राज्य आपत्ती प्रतिसाद निधी दरानुसार मदत शासनाने मंजूर केली आहे. राज्यातील सहा विभागांसाठी १२२ कोटींची दिली जाणार आहे.

Balasaheb Thorat, Agreeculture Minister
शेतकरी मारहाण; बाजार समितीने आडत्यांचे परवाने रद्द केले!

महसूल व वन विभागाने याबाबत जीआर काढला आहे. मार्च ते मे महिन्यादरम्यान झालेल्या पिकांच्या नुकसानीबाबत मदत देण्यात यावी याबाबत १२ मे रोजीच्या मंत्रिमंडळ उपसमितीच्या बैठकीत निर्णय घेण्यात आला होता. त्यास उपसमितीने मंजुरी दिली आहे.

यामध्ये राज्यातील सहा महसूल विभागातील जिल्ह्यांना मदत उपलब्ध करण्यात येईल. मंजूर झालेल्या १२२ कोटींपैकी सर्वाधिक मदत नाशिक विभागात ५९ कोटी रुपये मंजूर झाली आहे. त्यात विभागात जळगाव जिल्ह्याला ३५ कोटी सर्वाधिक आहे. प्रचलित नियमानुसार शेती तसेच बहुवार्षिक फळपिकाच्या नुकसानीकरीता मदत ३३ टक्के अथवा त्याहून अधिक नुकसान झालेल्यांना दिली जाणार आहे.

Balasaheb Thorat, Agreeculture Minister
गुजरात भाजपच्या प्रदेशाध्यक्षांची लेक धरती देवरेला महाराष्ट्रात सर्वाधिक मताधिक्य!

प्रचलित पध्दतीनुसार कृषी सहायक, तलाठी व ग्राम सेवक यांच्या संयुक्त स्वाक्षरीने पूर्ण करण्यात आलेल्या पंचनाम्यानुसार जिल्हाधिकाऱ्यांनी दिलेल्या अहवालाच्या आधारे मदतीचे वाटप जिल्हास्तरावर करण्यात येईल. त्यानुसार ही रक्कम बाधितांच्या बँक बचत खात्यात थेट जमा करण्याच्या सूचना देण्यात आल्या आहेत.

शेतीच्या नुकसानीबाबत मदतीची रक्कम खातेदारांच्या बँक खात्यावर थेट जमा करताना मदतीच्या रक्कमेमधून कोणत्याही बँकेने कोणत्याही प्रकारची वसुली करु नये. याकरिता सहकार विभागाने योग्य ते आदेश द्यावेत याबाबत स्पष्ट सूचना करण्यात आल्या आहेत.

राज्यातील महसूल विभागनिहाय जाहीर करण्यात आलेली मदत अशी, कोकण - २९.३० लाख, पुणे - ३.१६ कोटी, नाशिक - ५९.३६ कोटी, औरंगाबाद - १५.५४ कोटी, अमरावती - ३८.८७ कोटी, नागपूर - ५.०४ कोटी अशी १२२.२६ कोटी मदत जाहीर करण्यात आली आहे.

या मदतीत जिल्हानिहाय वितरित करण्यात येणारा निधी असा, कोकण विभाग : रत्नागिरी (५.१० लाख ), सिंधुदुर्ग (२४.२०), पुणे विभाग : पुणे (६४.०१), सातारा (२३.४२), सांगली (१०२.३८), सोलापूर (५७.१०), कोल्हापूर (६९.८४). नाशिक विभाग : नाशिक (११६७.२३७६), धुळे (२२६.७९८), जळगांव (३५३५.३१६४), नगर (१००६.८११). औरंगाबाद विभाग : औरंगाबाद (२५९.६९), जालना (४८६.७८), परभणी (२५.५४), हिंगोली (१४.८०), नांदेड (२०.६६), बीड (५९०.८७), लातुर (५१.४६), उस्मानाबाद (१.७४), अमरावती विभाग : अमरावती (२१०८.१४), अकोला (७८.०६), यवतमाळ (१०.८८), बुलढाणा (१०१३.०६), वाशिम (६७७.४२). नागपूर विभाग : नागपूर (२३.५४५), वर्धा (३९.२४५), भंडारा (२३६.८५८), गोंदिया (२६.८८८), चंद्रपूर (३५.७४२) आणि गडचिरोली (१३९.५३२).

....

Related Stories

No stories found.
Sarkarnama
www.sarkarnama.in