आमदार सुहास कांदेंच्या मतदारसंघात संजय राऊत सुटकेनंतर फटाके फोडून आनंदोत्सव

मनमाड : पत्राचाळ गैरव्यवहारप्रकरणी (Patra chawl case) ५ महिन्यांपासून जेलमध्ये असलेले शिवसेनेचे नेते (Shivsena leader) खासदार संजय राऊत (Sanjay Raut grant bail) यांना अखेर जामीन मंजूर झाल्याने येथे फटाके वाजवून पेढे (distribute sweets) एकमेकांना पेढे भरून आनंदोत्सव (Gala Function) साजरा करण्यात आला. या वेळी राऊत यांच्या समर्थनार्थ करण्यात आलेल्या जोरदार घोषणाबाजीने परिसर दणाणून गेला होता. बंडखोर (Rebel MLA) आमदार सुहास कांदे (Suhas Kande) यांच्या मतदारसंघात कार्यकर्त्यांत उत्साह वाढला. (Shivsena workers celebrates after Sanjay Raut grant bail by court)

न्यायालयाने खासदार राऊत यांचा जामीन अर्ज मंजूर करण्यात आला. दोन लाखांच्या वैयक्तिक जातमुचलक्यावर हा जामीन मंजूर करण्यात आला आहे. त्यामुळे राऊत हे आजच जेलबाहेर येणार असल्याने शिवसैनिकांचा आनंद शिगेला पोहचला होता.

खासदार संजय राऊत यांनी यापुर्वी नांदगाव मतदारसंघावर विशेष लक्ष केंद्रीत केले होते. आमदार सुहास कांदे आणि माजी पालकमंत्री छगन भुजबळ यांच्यात निधीच्या वितरणावरून वाद झाल्यावर खासदार राऊत यांनी या मतदारसंघाचा दौरा केला होता. त्या दौऱ्यात त्यांनी आमदार कांदे यांचे मनोबल वाढवले होते. मात्र एकनाथ शिंदे यांनी बंड केल्यानंतर आमदार कांदे यांनी शिंदे गटात प्रवेश केला. त्यामुळे खासदार राऊत यांच्या सुटकेचे या मतदारसंघावर राजकीय परिणाम होऊ शकतात.

संजय राऊतांना जामीन मंजूर झाल्याचे समजताच मनमाडला शिवसेना उद्धव बाळासाहेब ठाकरे पक्षाच्या शिवसैनिकांनी एकत्र जमा होत येथील एकात्मता चौकात फटाक्यांची आतिषबाजी केली. या वेळी एकमेकांना पेढे भरवून आनंदोत्सव साजरा करण्यात आला.

राऊत यांच्या समर्थनार्थ शिवसैनिकांनी जोरदार घोषणाबाजी केली. या वेळी शिवसेना जिल्हाप्रमुख गणेश धात्रक, उपजिल्हा प्रमुख संतोष बळीद, शहरप्रमुख माधव शेलार, सुनील पाटील, संतोष जगताप, पंडित सानप, सनी फसाटे, समाजसेवक विलास कटारे, काँग्रेसचे नाजीम शेख, भीमराव जेजुरे, राष्ट्रवादी काँग्रेसचे सेवादल जिल्हाध्यक्ष राजेंद्र जाधव आदी उपस्थित होते.

----