नाशिक: पालकमंत्री छगन भुजबळ (Guardian Minister Chhagan Bhujbal) आणि शिवसेनेचे आमदार सुहास कांदे (Shivsena MLA Suhas kande) यांच्यातील वादाने आता वेगळेच वळण घेतले आहे. निधी वाटपातील असमतोलाच्या विरोधात आपण उच्च न्यायालयात दाद मागितली आहे. त्यामुळे आगामी जिल्हा नियोजन मंडळाच्या बैठकीत त्याबाबतचे इतिवृत्त मंजूर करू नये. तसा प्रस्ताव आल्यास आत्मदहन करू असा इशारा आमदार कांदे यांनी दिला आहे. यासंदर्भात त्यांनी थेट मुख्यमंत्री उद्धव ठाकरे (ChiefMinister Uddhav Thakre) यांची देखील भेट घेतली.
याबाबत ते म्हणाले, जिल्हा नियोजन मंडळाच्या ८ नोव्हेंबरच्या बैठकीत निधी वाटपाबाबत अनियमितता तथा गैरव्यवहार झाल्याचा माझा दावा आहे. त्याविरोधात आपण मुंबई उच्च न्यायालयात दावा दाखल केला आहे. त्यामुळे मागील वर्षी मंजूर कामांचा उर्वरित निधी वर्ग करू नये. अन्यथा बैठकीच्या दिवशीच जिल्हाधिकाऱ्यांविरोधात पोलिसांत तक्रार दाखल करणार आहे. त्यानंतरही जिल्हा नियोजन मंडळाच्या बैठकीत तसा प्रस्ताव आल्यास आत्मदहन करीन.
मुख्यमंत्री उद्धव ठाकरे यांची भेट घेत आमदार सुहास कांदे यांनी त्याबाबतचे इशारा पत्रदेखील दिले. जिल्हा नियोजन मंडळाची बैठक घेण्यास आपली हरकत नाही. मात्र निधी वाटपाबाबत मोठ्या प्रमाणात अनियमितता व गैरव्यवहार झाल्याचा प्रकार घडला आहे. ही बाब न्यायालयीन प्रक्रियेचा भाग असल्याने संभाव्य बैठकीत मागील वर्षाच्या निधीच्या मंजुरीचे इतिवृत्त मंजूर करू नये, अशी आपली मागणी आहे.
त्यासाठी मुख्यमंत्र्यांना भेटून ही बाब त्यांच्या लक्षात आणून दिल्याचे आमदार कांदे यांनी सांगितले. आमदार कांदे यांच्या पत्रामुळे पुन्हा एकदा पालकमंत्री छगन भुजबळ व त्यांच्यातील सुप्त संघर्षाचा दुसरा अंक सुरू होण्याची चिन्ह आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
