शिंदे, फडणवीसांनी निवडणुका गुजरात मधूनच लढवाव्यात!

नाशिक : महाराष्ट्रातील (Maharashtra) प्रत्येक नागरिक राज्यातील सध्याच्या सरकारला (Shinde Government) कंटाळला आहे. त्यांनी अपेक्षा न केलेले हे सरकरा आहे. सध्या तर राज्यातील सरकार म्हणजे गुजरातची (Gujrat) चाकरी करणारे सरकार अशी त्याची प्रतिमा झाली आहे, अशी टिका राष्ट्रवादी युवक काँग्रेसचे (NCP Youth Wing) प्रदेशाध्यक्ष मेहबुब शेख (Mehboob Shaikh) यांनी केली आहे. (NCP Youth Congress President said, CM Shinde & Devendra Fadanvis should contest elections from Gujrat)

शिर्डी येथील शिबिरानंतर त्यांनी नाशिकला भेट दिली. विविध पदाधिकारी, संस्थांना भेट देऊन चर्चा केली. यावेळी ते `सरकारनामा`शी बोलत होते.

ते म्हणाले, राज्यात दोन कोटी रोजगार दर वर्षाला देऊ असे सांगून सत्तेत आलेले मोदी सरकार होते. प्रत्यक्षात वेदांत फॉक्सकॉन, टाटा एअरबस सारखे मोठे प्रकल्प गुजरातला जता आहेत. या निर्णयांवर हे सरकार सध्या काम करत आहे. हीच त्यांची काम करण्याची पद्धत आहे. महाराष्ट्रातील तरुण उघड्या डोळ्यांनी हे सर्व बघत आहेत. सामान्य नागरिक त्यावर आता तीव्र संताप व्यक्त करत आहेत.

राज्यातील यापूर्वीच्या महाविकास आघाडी सरकारने २००९ मध्ये बांधलेले नाशिकचे एअरपोर्ट व तिथे सुरू झालेली प्रवासी विमानसेवा ही देखील गुजरातला हलविण्याचा निर्णय नुकताच घेतला असल्याचे समजले. एकीकडे राज्यात ओला दुष्काळ असताना, महागाई वाढत असताना त्याविषयी कुठलीही संवेदनशीलता या सरकारमध्ये नसून महिनाभरामध्ये मोठमोठे निर्णय घेऊन महाराष्ट्राच्या युवकाचा तोंडचा घास पळविण्याचे काम या खोके सरकारने केले आहे. शिंदे, फडणवीस व त्यांचे खोके सहकारी यांनी निवडणुका देखील गुजरात राज्यातूनच लढवाव्यात असे चित्र निर्माण झाले आहे.

यावेळी राष्ट्रवादी युवक प्रदेश कार्याध्यक्ष पुरुषोत्तम कडलग, अंबादास खैरे, नितीन भटारकर, तालुकाध्यक्ष गणेश गायधनी, जिल्हा उपाध्यक्ष दिनेश धात्रक, शादाब सैय्यद उपस्थित होते.

---