Parner Bazar Samiti Results: विखेंना मोठा धक्का : पारनेरमध्ये लंकेंच; महाआघाडीचा 18 पैकी 18 जागांवर विजय

Ahmednagar News : राज्यातील कृषी उत्पन्न बाजार समित्यांच्या निवडणुकीसाठी शुक्रवारी (दि.28 एप्रिल) मतदान प्रक्रिया पार पडली.

त्यानंतर आज कृषी उत्पन्न बाजार समितीच्या निवडणुकीचे निकाल समोर येत आहेत. अहमदनगरधील पारनेर कृषी उत्पन्न बाजार समितीवर महाविकास आघाडीचा झेंडा फडकला आहे.

पारनेर कृषी उत्पन्न बाजार समितीच्या निवडणुकीत महाविकास आघाडीने मोठा विजय मिळवला आहे. सर्व 18 पैकी 18 जागांवर महाविकास आघाडीने विजय मिळवला आहे.

आमदार निलेश लंके आणि माजी आमदार विजय औटी यांनी केलेली युती या निवडणुकीत महत्वाची ठरली. तर खासदार डॉ.सुजय विखे पाटील यांच्या गटाला मोठा धक्का बसला आहे.

दरम्यान, पारनेर बाजार समितीची निवडणूक खासदार डॉ.सुजय विखे, आमदार निलेश लंके, माजी आमदार विजय औटी यांनी चांगलीच प्रतिष्ठेची केली होती.

भाजपने सुजय विखे यांच्या नेतृत्वाखाली पारनेर बाजार समितीत पॅनल उभा केला होता. मात्र, आमदार निलेश लंके, माजी आमदार विजय औटी हे एकत्र आल्यामुळे या निवडणुकीत भाजपला पराभवाचा सामना करावा लागला आहे.

Edited By- Ganesh Thombare