Jindal Fire; `जिंदाल`स्फोट व आग प्रकरणी दोषींविरुद्ध कारवाई होणारच!

जिंदालमधील आगीनंतर परिसरात हायअलर्ट, कामगार मंत्री सुरश खाडे यांच्याकडून पाहणी
Labour Minister Suresh Khade
Labour Minister Suresh KhadeSarkarnama

नाशिक : मुंढेगाव (ता. इगतपुरी) (Nashik) शिवारातील जिंदाल पॉलिफिल्म कंपनीत रविवारी लागलेल्या आगीनंतरच्या स्फोटाने रौद्ररुप धारण केले होते. ते एव्हढे रौद्र होते की सोमवारी (ता. २) दुसऱ्या दिवशीही आगीसह धुराच्या लोळांनी आसमंत व्यापला होता. राज्याचे कामगार (Maharashtra labour Minister) मंत्री सुरेश खाडे (Suresh Khade) यांनी औद्योगिक सुरक्षेसह (Industry) विविध विभागांच्या अधिकाऱ्यांसह दुर्घटनास्थळाची पाहणी केली. त्यानंतर त्यांनी दोषींविरुद्ध कारवाईची ग्वाही दिली. मात्र आग पूर्णतः आटोक्यात आल्याखेरीज त्रूटी लक्षात येणार नाहीत, असे श्री. खाडे यांनी स्पष्ट केले आहे. (Suresh Khade visits the spot with related departments Officers)

Labour Minister Suresh Khade
Pune News : येरवडा कारागृहातील तीन कैद्यांचा मृत्यू : कुटुंबियांचा प्रशासनावर गंभीर आरोप

औद्योगिक सुरक्षा, बाष्पके आणि अग्निशमन दलाच्या अधिकाऱ्यांच्या माहितीनुसार कंपनीतील आग आणि धुराचे लोळ पूर्णतः आटोक्यात येण्यासाठी आणखी दोन ते तीन दिवसांचा कालावधी लागण्याची शक्यता आहे. त्याची प्रचिती आज सायंकाळनंतर आली.

Labour Minister Suresh Khade
Demonetisation : '' सुप्रीम कोर्टाच्या निर्णयाचा आदर; पण मग काळा पैसा कुठे गायब झाला?" राष्ट्रवादीचा सवाल

कंपनीत धुमसत असलेली आग आज सकाळी काहीशी नियंत्रणात आल्याचे चित्र पाहावयास मिळत होते. मात्र सायंकाळनंतर पुन्हा महामार्गावरुन आगीचे लोळ पाहावयास मिळालेत. दरम्यान, मुख्यमंत्री एकनाथ शिंदे यांनी आगीच्या नियंत्रणासाठी सैन्यदलाची मदत घेण्यात येईल, असे स्पष्ट केले होते. भारतीय लष्करातर्फे दोन हेलिकॉप्टर आणि जवान दुर्घटनास्थळी रवाना केले होते. मात्र रासायनिक साठ्यामुळे हेलिकॉप्टरद्वारे आग नियंत्रणाचे प्रयत्न करण्यासाठी यंत्रणांतर्फे अनुकुलता दर्शवली नसल्याची माहिती मिळत आहे.

आग नियंत्रणासाठी नॅशनल डिजास्टर रिस्पॉन्स फोर्स आणि स्टेट डिजास्टर रिस्पॉन्स फोर्सची पथके आग विझवण्यासाठी तळ ठोकून आहेत. शिवाय धुराच्या लोळांमुळे रासायनिक उग्र दुर्गंधी पसल्याच्या पार्श्‍वभूमीवर प्रशासनातर्फे १० ते १५ किलोमीटर परिसरातील गावांमध्ये कामाशिवाय घराबाहेर पडू नये व मास्क वापरावा असे आदेश देण्यात आले आहेत. कंपनीपासून दूरवर असलेल्या कळसूबाई शिखरावरील पर्यटकांना धुराचे लोळ पोचल्याची जाणीव प्रकर्षाने झाली. कंपनीशेजारील सरकारी आश्रमशाळेतील विद्यार्थ्यांना शेनवड खुर्दच्या आश्रमशाळेत नेण्यात आले आहे.

जखमी कामगारांचे जाबजबाव

जिंदालमधील आगीत जखमी झालेल्या कामगारांचे जाबजबाब नोंदवण्याची पोलिसांची प्रक्रिया दुसऱ्या दिवशी सुरु होती. दुर्घटनेत दोन महिला कामगारांचा मृत्यू झाला असून रविवारी (ता. १) त्यांच्या पार्थिवाचे शवविच्छेदन करण्यात आले. दोन रुग्णांवर प्लॅस्टिक सर्जरी करण्यात आली आहे. याप्रकरणी सोमवारी (ता. २) रात्री उशिरापर्यंत घोटी पोलिस ठाण्यात गुन्हा दाखल झालेला नव्हता.

मृत महिला बिहारमधील

जिंदालमधील स्फोटामुळे लागलेल्या आगीत गंभीररित्या भाजलेल्या दोन महिला कामगारांचा उपचारादरम्यान, मृत्यू झाला. महिमाकुमारी प्रल्हादसिंग (२०, रा. नवादा, बिहार. सध्या रा. गर्ल्स होस्टेल, जिंदाल कंपनी), अंजली रामकुबेर यादव (२९ रा. आनंद भवन, गोंदे) अशी मृत्यू झालेल्या महिला कामगारांची नावे आहेत. घोटी पोलिसात अकस्मात मृत्यूची नोंद करण्यात आली आहे. दरम्यान, मयत तरुणींच्या नातेवाइकांना पोलिसांनी माहिती दिली असून, सोमवारी सायंकाळपर्यंत ते नाशिकमध्ये पोचले नव्हते. दोघींचे मृतदेह शवागृहात ठेवण्यात आले आहेत. नाशिकमधील सुयश रुग्णालयामध्ये जखमी कामगारांना उपचारासाठी दाखल करण्यात आले आहे. इथे १७ कामगार दाखल आहेत, तर एका कामगारांवर नाशिक आयसीयू ॲण्ड ट्रॉमा रुग्णालयामध्ये उपचार सुरू आहेत. ६ रुग्ण हे अतिदक्षता विभागात दाखल आहेत. ११ कामगारांची प्रकृती स्थीर असल्याचे डॉक्टरांनी सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
logo
Sarkarnama
www.sarkarnama.in