Old Pension Scheme : जुन्या पेन्शन योजनेबाबत ज्ञानेश्वर म्हात्रेंनंतर सत्यजीत तांबेंचेही महत्त्वाचे विधान; म्हणाले...

Old Pension Scheme News : विधान परिषदेच्या शिक्षक आणि पदवीधर निवडणुकीत जुन्या पेन्शन योजनेचा मुद्दा चांगलाच गाजला. पेन्शन योजनेला पाठिंबा देणाऱ्या उमेदवारालाच मतदान करणार असा पवित्रा कर्मचाऱ्यांनी घेतला होता. त्यामुळे या निवडणुकीत अनेक उमेदवारांना चांगलाच फटका बसला होता.

ज्या उमेदवारांच्या जाहिरनाम्यानत जुन्या पेन्शनचा विषय होता, त्यांना कर्मचाऱ्यांनी भरभरून मते दिली. या निवडणुकीत भाजपला (BJP) चांगलाच फटका बसला. विजयी उमेदवारांनी आता पेन्शनबाबत सकारात्मक भूमिका घेतली आहे. सत्यजीत तांबे यांनीही याबाबत आज (ता.४) भाष्य केले.

सत्यजीत तांबे यांनी आज आपली पुढील राजकीय भूमिका स्पष्ट केली. मी अपक्ष निवडून आलो आहे. त्यामुळे मी अपक्षच राहणार असल्याचे त्यांनी स्पष्ट केले. तसचे जुन्या पेन्शन योजनेसाठी लढणार आहे. सरकारला ही योजना पुन्हा सुरु करण्यासाठी भाजप पाडणार असल्याचेही त्यांनी स्पष्ट केले. यासाठी सभागृहात आवाज उठवार असल्याची ग्वाही त्यांनी दिली.

दरम्यान, भाजपचे नेते व कोकण शिक्षक मतदार संघाचे आमदार ज्ञानेश्वर म्हात्रे यांनी निवडून येतातच आपल्या कार्यकाळात शिक्षकांच्या पेन्शनचा प्रश्न सोडवणार असल्याची घोषणा केली होती. त्यामुळे पेन्शन धारकांसाठी ही महत्त्वाची गोष्ट आहे. सर्व आमदारांनी पेन्शनचा मुद्दा सभागृहात उचलून धरला तर त्यामध्ये सरकारला काही भूमिका घ्यावी लागेल, असे कर्मचारी म्हणतात.

या निवणुकीत, राष्ट्रवादी काँग्रेसचे (NCP) औरंगाबाचे आमदार विक्रम झाले यांनीही प्रचारामध्ये सुरुवातीपासून जुन्या पेन्शन योजनेचा मुद्दा लावून धरला होता. त्याच मुद्यावर त्यांनी शिक्षकांकडे मते मागितली होती. तर काँग्रेसचे (Congress) नागपूरचे आमदार सुधाकर अडबाले यांनीही पेन्शनच्या मुद्याचे समर्थन केले होते. तसे अमरावती पदवीधरचे आमदार धीरज लिंगाडे यांनीही कर्मचाऱ्यांना पेन्शनबाबत आश्वासन दिले होते. त्यामुळे या निवडणुकीत कर्मचाऱ्यांनी सत्ताधाऱ्यांना ताकद दाखवून दिली आहे.