विधान परिषदेतही चमत्कार घडणार; काँग्रेसने एक उमेदवार मागे घ्यावा अन्यथा पराभव निश्‍चित!

विधान परिषद निवडणुकीत भाजपने पाचवा उमेदवार उभा केला आहे
विधान परिषदेतही चमत्कार घडणार; काँग्रेसने एक उमेदवार मागे घ्यावा अन्यथा पराभव निश्‍चित!
Girish MahajanSarkarnama

जळगाव : राज्यसभा निवडणुकीत आम्ही मतांचे योग्य नियोजन करून महाविकास आघाडीला (Mahavikas Aghadi) पराभूत केले. विधानपरिषदेच्या निवडणुकीतही (Legislative Council Election) आम्ही पाचवा उमेदवार निवडून आणणारच आहोत, त्यामुळे कॉंग्रेसने आपला दुसरा उमेदवार मागे घ्यावा, असे थेट आवाहन भारतीय जनता पक्षाचे (BJP) नेते व माजी मंत्री गिरीश महाजन (Girish Mahajan) यांनी 'सरकारनामा'शी बोलतांना केले आहे. (Girish Mahajan Latest Marathi News)

राज्यसभेत भाजपचे तिसरे उमेदवार धनजंय महाडिक यांना निवडून आणण्याच्या प्रक्रियेत आमदार महाजनही होते. राज्यसभेतील यशानंतर ते आज जळगावी आले. आता राज्यात विधानपरिषद निवडणुकीसाठी तयारी सुरू आहे. येत्या २० जूनला विधान परिेषदेसाठी मतदान होत आहे. उमेदवारी अर्ज मागे घेण्याची उदया (ता. १३) शेवटची तारीख आहे.

Girish Mahajan
भुयार पवारांना भेटले अन् काही तासात राऊत बदलले!

या निवडणुकीत भाजपच्या चार जागा निश्‍चित असल्या तरी त्यांनी दोन अतिरिक्त उमेवार उभे केले आहेत. मात्र, एकाची माघार घेऊन पाचव्या जागेसाठी पक्ष मैदानात उतरणार आहे. शिवसेना व राष्ट्रवादी कॉंग्रसेचे दोन उमेदवारांचा विजय निश्‍चित असले तरी कॉंग्रेसचा दुसरा उमेदवारासाठी अतिरिक्त मतांची गरज आहे. भाजपला पाचव्या उमेदवारासाठी थेट २७ मतांची गरज आहे. तरीही भाजपने पाचव्या उमेदवारांच्या यशासाठी लढाई करण्याचा निर्णय घेतला आहे.

याबाबत बोलतांना आमदार महाजन म्हणाले, विधानपरिषदेत पाचवा उमेदवार विजय करण्याचे आम्ही नियोजन केले आहे. आमच्या उमेदवाराला लागणाऱ्या मतांचा कोटा आम्ही मिळविण्याची तजवीज केली आहे. त्यामुळे आमचा उमेदवार निवडूण येणारच याची आपण आजच खात्री देत आहोत. आजच्या स्थितीत महाविकास आघाडीसोबत राहण्यास आमदार तयार नाहीत.

Girish Mahajan
विधान परिषद अभी बाकी है...त्यानंतर बरंच काही होईल; महाडिकांचा कुणाला इशारा?

महाविकास आघाडीचे नेते आमदारांना धाक दाखवित आहेत, त्यांना धमक्या देत आहेत, त्याला आता आमदार कंटाळले आहे. त्यामुळे हे आमदार आमच्या उमेदवाराला मतदान करतील, असा दावाही त्यांनी केला. विधानपरिषदेत तर गुप्तमतदान पध्दती आहे, त्यामुळे महाविकास आघाडीचेही आमदार आमच्या उमेदवाराला मतदान करतील. त्यामुळे काँग्रेसने आपला एक उमेदवार मागे घेऊन आमचा पाचवा उमेदवार विजयी करून ही निवडणूक बिनविरोध करावी. अन्यथा त्यांच्या उमेदवाराचा पराभव निश्‍चित आहे. हे आपण आजच खात्रीने सांगत आहोत असेही ते म्हणाले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in