जळगावात गिरीश महाजनांचा शिवसेनेला धक्का, १३ नगरसेवक स्वगृही

गेल्या चार महिन्यापूर्वी महापौर निवडणुकीवेळी भाजपचे तब्बल २९ नगरसेवक फुटले होते. त्यांनी शिवसेनेला पाठींबा दिला होता. त्यामुळे जळगावात सत्तांतर होऊन शिवसेनेचा महापौर विराजमान झाला होता.
जळगावात गिरीश महाजनांचा शिवसेनेला धक्का,
१३ नगरसेवक स्वगृही
Jalgaon Nagarsevaksarkarnama

जळगाव : जळगाव महापालिकेत भारतीय जनता पक्षातून फुटून गेलेल्या २९ नगरसेवकांनी शिवसेनेला पाठींबा दिला होता. मात्र, त्यातील १३ नगरसेवकांनी पुन्हा भाजपत प्रवेश केला असून भाजप नेते आमदार गिरीश महाजन यांनी पुन्हा शिवसेनेला धक्का दिला आहे.

जळगाव महापालिकेत भारतीय जनता पक्षाचे तब्बल ५७ नगरसेवक निवडून आले होते. मात्र, गेल्या चार महिन्यापूर्वी महापौर निवडणुकीवेळी भाजपचे तब्बल २९ नगरसेवक फुटले होते. त्यांनी शिवसेनेला पाठींबा दिला होता. त्यामुळे जळगावात सत्तांतर होऊन शिवसेनेचा महापौर विराजमान झाला होता. तर बंडखोर भाजप गटाला उपमहापौरपद देण्यात आले आहे. भारतीय जनता पक्षाने फुटलेल्या नगरसेवकांना बडतर्फे करावे यासाठी विभागीय आयुक्ताकडे याचिका दाखल केली आहे, त्यावर सुनावणी सुरू आहे.

Jalgaon Nagarsevak
आजही मला मुख्यमंत्री असल्याचे वाटते : देवेंद्र फडणवीस

याच दरम्यान, फुटलेल्या नगरसेवकांना पुन्हा स्वगृही आणण्यासाठी भारतीय जनता पक्षाचे नेते आमदार गिरीश महाजन यांनी प्रयत्न सुरू केले होते. महाजन यांचे कट्टर समर्थक अरविंद देशमुख यांनी नाशिक विभागीय आयुक्तांकडून माहिती अधिकारात माहिती मागवून सद्य स्थितीत महापालिकेचा गटनेता कोण आहे, याची माहिती मागविली. यात भाजपचे गटनेते भगत बालाणी हेच गटनेते असल्याची माहिती विभागीय आयुक्तांनी दिली आहे. त्याचा दावाही भाजपने महापालिकेत आयुक्त व महापौराकडे केला आहे. यामुळे फुटीर गटातील नगरसेवकांत अपात्र होण्याची भिती निर्माण झाली आहे, त्यामुळे आपल्यावर कारवाई होवू नये यासाठी काही फुटीर गटातील नगरसेवक आता पुन्हा भारतीय जनता परतत आहेत.

Jalgaon Nagarsevak
तुकाराम मुंडेंनी वाढविलेली घरपट्टी, पाणीपट्टी शिवसेना रद्द करणार!

१३ नगरसेवक स्वगृही

भारतीय जनता पक्षातून फुटलेल्या २९ नगरसेवकांपैकी १३ नगरसेवक आज पुन्हा भारतीय जनता पक्षात स्वगृही परतले आहेत. भारतीय जनता पक्षाचे नेते आमदार गिरीश महाजन यांना यांच्या जळगाव येथील जी.एम.फाउंडेशन या संपर्क कार्यालयात या नगरसेवकांचा सत्कार जिल्हा अध्यक्ष आमदार सुरेश भोळे यांच्या हस्ते करण्यात आला.

Jalgaon Nagarsevak
जळगाव जिल्हा बँकेत राजकीय वैर विसरून खडसे, महाजन एकत्र!

यावेळी भाजप गटनेते भगत बालाणी, जिल्हा महानगराध्यक्ष दिपक सूर्यवंशी,अरविंद देशमुख , नगरसेवक कैलास सोनवणे, विशाल त्रिपाठी, आदी उपस्थित होते. स्वगृही आलेल्या नगरसेवकांमध्ये रंजना भरत सपकाळे, मीना धुडकू सपकाळे, कांचन सोनवणे, प्रतिभा पाटील, प्रवीण कोल्हे, रूखसाना बी बबलूखान, शोभा बारी, सुरेश सोनवणे, हसीना बी शेख, दत्तु कोळी, पार्वताबाई भील, प्रिया जोहरे, मिनाक्षी पाटील.

Related Stories

No stories found.