Dada Bhuse News: ...तर मुख्यमंत्री एकनाथ शिंदेंना विरोध करणार!

नाशिकचे पालकमंत्री दादा भुसे यांनी राज्य शासनाच्या संभाव्य निर्णयावर व्यक्त केली नापसंती.
Eknath Shinde & Dada Bhuse
Eknath Shinde & Dada BhuseSarkarnama

नाशिक : नाशिक (Nashik) महसूल विभागाचे विभाजन करून स्वतंत्र खानदेश (Khandesh) महसूल विभाग करण्याची मागणी आहे. परंतु मुख्यमंत्री एकनाथ शिंदे (Eknath Shinde) यांनी असा कुठलाही निर्णय घेतलेला नाही. जर असा निर्णय घेतलाच तर आम्ही कशासाठी? असे म्हणत प्रसंगी मुख्यमंत्री एकनाथ शिंदे यांना विरोध करण्याचा इशारा पालकमंत्री दादा भुसे (Dada Bhuse) यांनी आज दिला. (Dada Bhuse opposed detached Khandesh division decision)

Eknath Shinde & Dada Bhuse
Chhagan Bhujbal: `असा` निर्णय घ्यायचा होता तर प्रतिज्ञापत्र कशासाठी मागवली?

नाशिक महसूल विभागाचे विभाजन करून जळगाव, धुळे आणि नंदुरबार अशा तीन जिल्ह्यांचा स्वतंत्र खानदेश महसूल विभाग करण्याची त्या भागातून मागणी असून काल गुरुवारी नंदुरबार येथील एका कार्यक्रमात मुख्यमंत्री एकनाथ शिंदे यांच्याकडे त्याअनुषंगाने मागणी झाली.

Eknath Shinde & Dada Bhuse
Bawankule : सात न्यायाधीशांकडे का जायचे आहे? उद्धव यांनी न्यायालयाचा निर्णय मान्य करावा !

मुख्यमंत्री शिंदे स्वतंत्र खानदेश महसूल विभागाच्या मागणीबाबत सकारात्मक असल्याची चर्चा आहे. त्याविषयी आज (ता. १७) नाशिकचे पालकमंत्री दादा भुसे यांना विचारले असता, ते बोलत होते. श्री भुसे म्हणाले की स्वतंत्र खानदेश महसूल विभागाची फक्त मागणी आहे. पण याबाबत असा कुठलाही विचार नाही. दस्तुरखुद्द मुख्यमंत्री एकनाथ शिंदे यांनीही त्याविषयी काहीही निर्णय घेतलेला नाही.

ते म्हणाले, काल दिवसभर मी मुख्यमंत्र्यासोबत होतो. उत्तर महाराष्ट्रातील नाशिक व नगर हे दोन्ही प्रमुख जिल्हे वगळून स्वतंत्र खानदेश महसूल विभाग करण्याची किंवा त्या भागात विभागीय कार्यालय नेण्याची कुठलीही मागणी असली तरी त्याबाबत काहीही निर्णय झालेला नाही.

मग आम्ही कशासाठी ?

स्वतंत्र खानदेश महसूल विभागाबाबत निर्णय न झाल्यास, आम्ही कशासाठी? असे स्पष्ट करीत, श्री भुसे यांनी या प्रश्नावर मुख्यमंत्री एकनाथ शिंदे यांनी निर्णय घेतल्यास त्यांच्या निर्णयाला विरोध करण्याचा थेट विरोध करण्याचा इशारा दिला.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com