त्या मावशींचे शिवभोजन घेऊन छगन भुजबळ झाले तृप्त

नाशिक : महाविकास आघाडीच्या (Mahavikas Front Government) योजनांमध्ये गरीबांसाठी शिवभोजन एक महत्त्वाची योजना आहे. काल नागपूरच्या दौऱ्यावर असलेल्या छगन भुजबळ (Chhagan Bhujbal) यांनी भिवापूर येथे शिवभोजनाचा फलक पाहिला आणि भोजन घेतले. तेथील भोजन त्यांना एव्हढे आवडले ते तृप्त झाले.

राज्याचे अन्न व नागरी पुरवठा मंत्री छगन भुजबळ सध्या दोन दिवस विदर्भाच्या दौऱ्यावर आहे. या दरम्यान त्यांनी या शिवभोजन केंद्राला भेट दिली. सामान्यतः मंत्री आले म्हणजे त्यांच्यासमवेत कार्यकर्ते, आमदार, नेते असतातच. यावेळी देखील श्री. भुजबळ यांच्या समवेत स्थानिक आमदार राजू पारवे यांसह विविध कार्यकर्ते होते.

श्री. भुजबळ स्वतः जेवायला बसल्यावर केंद्र चालविणाऱ्या त्या मावशींनीही अतिशय उत्साहाने त्यांना जेवन वाढले. यावेळी परिसरातील नागरिकांनीही उत्सुकता म्हणून गर्दी केली. जेवन झाल्यावर भुजबळांनी नागरिकांशी संवाद साधला. जाताना त्यांनी केंद्र चालविणाऱ्या त्या मावशींना जेवनाचा दर्जा असाच टिकवून ठेवा, अशी सूचनाही केली.

...