इंदिरानगर : शहर (Nashik) आणि जिल्ह्यात शिवसेना (Shivsena) नेत्यांचे शिवसंपर्क अभियान जोमात सुरु आहे. यातील बव्हंशी कार्यक्रम भाजपच्या (BJP) बालेकिल्ल्यात होत आहेत. यातून भाजपला थेट आव्हान देण्याचा शिवसेनेचा प्रयत्न आहे. यातच नुकताच खासदार अरविंद सावंत (Arvind Sawant) यांच्या उपस्थितीत भाजप नेते संजय काळे यांचा प्रवेश करून घेत शिवसेनेने भाजपला धक्का दिला. (Shivsena given political jerk to BJP in Nashik)
चेतनानागरमध्ये शिवसंपर्क अभियानातंर्गत झालेल्या मेळाव्यात खासदार अरविंद सावंत यांच्या उपस्थितीत इंदिरानगरमधील सुखदेव एज्युकेशन संस्थेचे सरचिटणीस संजय काळे यांनी भारतीय जनता पक्षाला सोडचिठ्ठी देत शिवसेनेत प्रवेश केला. त्यामुळे या भागात शिवसेनेची ताकद वाढण्यास मदत होणार आहे.
चेतनानगरमधील भागवत सभागृहात शिव संपर्क अभियानांतर्गत मेळावा झाला. शिवसेना संपर्कप्रमुख भाऊसाहेब चौधरी, उपनेते सुनील बागूल, जिल्हाप्रमुख विजय करंजकर, महानगरप्रमुख सुधाकर बडगुजर, अजय बोरस्ते, शरद गिते, प्रफुल्ल भोसले, देवानंद बिरारी, अमोल जाधव, संगीता जाधव, सागर देशमुख आदी व्यासपीठावर उपस्थित होते.
श्री. सावंत म्हणाले, की भारतीय जनता पक्षाने जे काय काम केले हे जनतेला सांगितले पाहिजे. ७० वर्षांत जे कमावले ते आज भाजप विकत आहे. ‘हम दो, हमारे दो’ देश चालवित आहेत. देशाची आर्थिक परिस्थिती बिकट झाली आहे. इडी, सीबीआयचा गैरवापर केला जात आहे. महाराष्ट्राला बदमान करण्याचे काम भाजप करीत आहे. शिवसेनेचे कार्य शिवसैनिकांनी घराघरांत पोहोचवले पाहिजे.
या वेळी बंडू दळवी, दीपक पंडित, शैलेश कार्ले, रंजय काळे, स्वप्नील वाघ, धीरज जोशी, विजय काळे, करूणा धामणे, रत्नाबाई काळे, शोभा दोंदे, विठाबाई पगार, पूनम पंडित यांसह शिवसैनिक उपस्थित होते.
...
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
