शेतकऱ्यांना १५ दिवसात मदत मिळेल!

सातपूर : यंदा अवकाळी पाऊस, (Heavy Rainfall) गारपीट, चक्रीवादळ ढगफुटी (Cloud burst) यासारख्या अनेक संकटांनी शेतकरी (Farmers) हवालदिल झाला असून कोणताही शेतकरी नुकसान भरपाई (compensation) पासून वंचित राहणार नाही, तसेच पीक विमाचे पैसे सर्वांना मिळतील यासाठी शासन कटिबद्ध आहे, असे आश्वासन राज्याचे कृषिमंत्री अब्दुल सत्तार (Abdull Sattar) यांनी दिले. (Maharashtra Government is bonded to give compensation for farmers)

राज्यातील शेतकरी अनेक संकटावर मात करीत वाटचाल करीत असताना राज्य शासनाच्या वतीने वेळोवेळी मदत करण्यात येत आहे. येथील कृषीथॉन प्रदर्शनाच्या माध्यमातून शेतकऱ्यांना नवतंत्रज्ञानाबाबत मार्गदर्शन करण्यात येत आहे, राज्यातील कृषी क्षेत्रात कार्यरत अन्य संस्थांनी याचा आदर्श घ्यावा, असेही अब्दुल सत्तार यावेळी म्हणाले.

ते म्हणाले की, यंदा विविध प्रकारच्या नैसर्गिक संकटांसाठी सुमारे १२ हजार कोटी रुपयांची नुकसान भरपाई शेतकऱ्यांना देण्याचा निर्णय घेण्यात आला असून या मदतीचे वाटप करण्यात येत आहे. येत्या १५ दिवसात सर्व मदतीचे वाटप करण्यात येईल.

शेतकऱ्याची सत्तारांना चिठ्ठी

कृषीमंत्री अब्दुल सत्तार यांना कार्यक्रमातच जळगाव जिल्ह्यातील बाबाजी सोनवणे (वय ६५) या शेतकऱ्याने परतीच्या पावसाने नुकसान झालेल्या कापूससह इतर पिकांची नुकसान भरपाई कधी मिळणार अशी चिठ्ठी लिहून विचारणा केली यावेळी सत्तारांनीही परतीच्या पावसाने नुकसान भरपाई येत्या महिन्याभरात खात्यात जमा होईल, असे आश्‍वासन देत आपलं सरकार हे लोकल गाडी सारखं आहे, हात दाखवा व गाडी थांबवा सर्वांना बरोबर घेऊन जाणार सरकार आहे, असे आपल्या खास शैलीत या चिठ्ठीला उत्तर दिलं.

यावेळी आमदार दिलीप बनकर, आमदार सीमा हिरे, आयोजक साहिल न्याहारकर, अश्विनी न्याहारकर, नाडाचे उपाध्यक्ष अरुण मुळाणे, नाडाचे सचिव लक्ष्मीकांत जगताप, नाडाचे खजिनदार मंगेश तांबट, कृषी विभागाचे सहसंचालक मोहन वाघ, कृषी विभागाचे जिल्हा अधीक्षक विवेक सोनवणे, चंद्रकांत ठक्कर, प्रभाकर पाटील, बापूराव पाटील, महेश हिरे, शिवसेनेचे जिल्हाप्रमुख अनिल ढिकले आदी उपस्थित होते.