Maharashtra Politics News : एकनाथ शिंदे यांच्या गटाला शिवसेना पक्ष आणि चिन्ह मिळाल्यानंतर शिंदे गट आणि ठाकरे गटाच्या नेत्यांमध्ये चांगलेच आरोप-प्रत्यारोप सुरू आहेत. आता आमदार शहाजी बापू पाटील यांनी खासदार संजय राऊत यांच्यावर जोरदार टीका केली आहे.
शहाजीबापू पाटील म्हणाले, ''संजय राऊत यांचे आडनाव बदलून संजय आगलावे असं ठेवायला हवं. कारण ते महाराष्ट्रभर आग लावत फिरत आहेत. रोज सकाळी सकाळी ते उठतात आणि महाराष्ट्रभर आग लावण्याचे काम ते करतात. त्यामुळे नाव बदलून संजय आगलावे असं ठेवायला पाहिजे'', असा टोला त्यांनी राऊतांना लगावला.
''श्रीकांत शिंदे हे चांगलं काम करणारं तरुण नेतृत्व आहे. पण ते अशा तरुण नेतृत्वावर असे आरोप करतात. त्यांना हे शोभत नाही. संजय राऊत यांनाच काय ते कुणालाच शोभत नाहीत. मात्र, तरी देखील बेभान झालेले राऊत सध्या कुणाविषयी काय बोलतील याचा काही नेम नाही. संजय राऊत हे मातोश्रीशी एकनिष्ठ आहेत असं मला कधीही वाटलं नाही'', असं शहाजीबापू पाटील म्हणाले.
दरम्यान, शहाजीबापू पाटील यांनी संजय राऊत यांच्यावर टीका केल्यानंतर राऊत यांनीही जोरदार प्रतिउत्तर दिलं. ''शहाजीबापू पाटील यांनीही शहाजी नाव बदललं पाहिजे. यामुळे भोसले घराण्याचा अपमान होतोय'', असा टोला त्यांनी लगावला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
