APMC Election Srirampur : राज्यातील कृषी उत्पन्न समितीच्या निवडणुकीत महाविकास आघाडी आणि भाजप-शिंदे गटात अटीतटीची लढत झाली. निकालानंतर आघाडीने सरशी केलेले दिसते.तर काही ठिकाणी भाजप-शिंदे गटाने आघाडीला धुळ चारली आहे.
श्रीरामपूर बाजार समितीत पालकमंत्री राधाकृष्ण विखे (Radhakrishna Vikhe) यांनी काँग्रेसचा धुव्वा उडवला आहे. भाजपच्या १८ पैकी १७ उमेदवारांनी दणदणीत विजय मिळवला आहे. यापूर्वी या बाजार समितीत विखे-ससाणे गटाची सत्ता होती.
विखेंच्या विरोधात आमदार लहू कानडे, राष्ट्रवादी काँग्रेसचे अविनाश आदिक यांच्या नेतृत्वाखाली पॅनेल उभे केले होते, तर राधाकृष्ण विखेंनी भानुदास मुरकुटे, करण ससाणे यांच्यासोबत पॅनेल तयार केले होते. कानडे-आदिक पॅनेलला केवळ एक जागा मिळाली आहे. विखे, मुरकुटे, ससाणे यांच्या पॅनेलला 17 जागा मिळाल्या आहेत.
दुसरीकडे राहाता कृषी उत्पन्न बाजार समितीच्या निवडणुकीत राधाकृष्ण विखे पाटील यांच्या पॅनेलवर पुन्हा शेतकर्‍यांनी विश्वास दाखवला आहे. आत्तापर्यंत शेतकर्‍यांचा विश्वास विखे पाटील यांनी सार्थ ठरवला आहे. म्हणूनच विखे पाटील यांच्यावर पुन्हा विश्वास दाखवला आहे, त्यामुळेच विखे पाटील हाच सार्थ ठरवतील, असे चित्र या निवडणुकीत स्पष्टपणे दिसून आले.
अमळनेर कृषी उत्पन्न बाजार समितीच्या लागलेल्या निकालात महाविकास आघाडीला स्पष्ट बहुमत मिळाले आहे. आमदार अनिल पाटील यांच्या नेतृत्वाखालील महाविकास आघाडीचाच बोलबाला दिसून आला.
राष्ट्रवादी कॉंग्रेसचे आमदार अनिल पाटील यांच्या नेतृत्वाखाली असलेल्या पॅनलने ११ जागा पटकावल्या आहेत. दुसरीकडे तीन माजी आमदार यांच्या नेतृत्वाखालीअसलेल्या भाजपच्या पॅनलला धोबीपछाड मिळाली आहे.
याठिकाणी भजपला माजी आमदार स्मिता वाघ यांच्यासह केवळ चार जागांवर समाधान मानावे लागले आहे. आमदार अनिल पाटील यांच्यासह, भाजपच्या तीन माजी आमदारांनीही आपली प्रतिष्ठा पणाला लावली होती.
बोदवड कृषी उत्पन्न बाजार समितीच्या निवडणुकीमध्ये राष्ट्रवादी काँग्रेसच्या प्रणीत पॅनलने दणदणीत विजय मिळावा आहे. पर्यायी आमदार चंद्रकांत पाटील यांना जोर का झटका बसला आहे.गेल्या तीन पंचवार्षिक निवडणुकांपासून आमदार एकनाथराव खडसे यांच्या माध्यमातून बाजार समिती ही भाजपकडे होती. मात्र आता ती खडसेंनी आपल्या जोरावर राष्ट्र्रवादीकडे आणली आहे. त्यांनी चंद्रकांत पाटलांचा दारुण पराभव केला आहे.
(Edited By : Mangesh Mahale)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
