शेखर गोरेंचा दणकून पराभव; राष्ट्रवादीच्या प्रदीप विधातेंचा मोठा विजय

सातारा जिल्हा मध्यवर्ती बँक निवडणूक निकाल...
शेखर गोरेंचा दणकून पराभव; राष्ट्रवादीच्या प्रदीप विधातेंचा मोठा विजय
Shekhar Gore, Pradip VidhateSarkarnama

सातारा : सातारा जिल्हा मध्यवर्ती बँकेच्या (Satara DCC) निवडणुकीत इतर मागास प्रवर्ग मतदारसंघातून शिवसेनेचे नेते शेखर गोरे (Shekhar Gore) यांचा दणकून पराभव झाला आहे. सत्ताधारी सहकार पॅनेलचे उमेदवार व राष्ट्रवादीचे नेते प्रदीप विधाते (Pradip Vidhate) यांनी त्यांचा तब्बल 1 हजार 80 मतांनी पराभव केला आहे. शेखर गोरे आणखी एका मतदारसंघातून नशीब आजमावत आहेत.

निवडणुकीच्या निकालात अनेकांना धक्के बसत आहेत. राष्ट्रवादीचे नेते आमदार शशिंकात शिंदे, राज्याचे गृहराज्यमंत्री शंभूराज देसाई यांचा पराभव झाला आहे. तर राष्ट्रवादीचे बंडखोर माजी आमदार प्रभाकर घार्गे यांनी राष्ट्रवादीच्या अधिकृत उमेदवाराला धुळ चारली आहे. इतर मागास प्रवर्ग मतदारसंघातून शेखर गोरे व प्रदीप विधाते यांच्यात लढत होती.

Shekhar Gore, Pradip Vidhate
बंडखोर घार्गेंचा अजित पवारांना धक्का; नंदकुमार मोरे यांचा पराभव

एकूण मते 1964 होती. त्यापैकी 1838 मते वैध ठरली. गोरे यांना केवळ 379 मतं मिळाली. तर विधाते यांनी 1459 मतं मिळवत मोठा विजय मिळवला आहे. दरम्यान, राष्ट्रवादी काँग्रेसने प्रतिष्ठेच्या केलेल्या सातारा जिल्हा मध्यवर्ती सहकारी बँकेच्या निवडणुकीत खटाव सोसायटी मतदारसंघात पक्षाला क्का बसला आहे. उपमुख्यमंत्री अजित पवार यांनी खटावमध्ये येऊन जिल्हा बॅंकेसाठी नंदकुमार मोरे यांनी उमेदवारी जाहीर केली होती. त्यांच्याविरोधात उभे राहत माजी आमदार प्रभाकर घार्गे यांनी पवारांनाच आव्हान दिले होते. या निवडणुकीत घार्गे यांचा दहा मतांनी विजय मिळाल्याने थेट अजित पवारांनाच धक्का बसल्याचे मानले जात आहे.

Shekhar Gore, Pradip Vidhate
पाटणकर ठरले 'जायंट किलर'; गृहराज्यमंत्री शंभूराज देसाई यांचा पराभव

राष्ट्रवादी काँग्रेसचे अर्थात सहकार पॅनेलचे अधिकृत उमेदवार नंदकुमार मोरे यांच्याविरोधात माजी आमदार प्रभाकर घार्गे यांनी बंडाचे निशाण फडकावल्याने या लढतीला महत्त्‍व आले होते. हा मतदारसंघ राष्ट्रवादी काँग्रेसचा बालेकिल्ला मानला जात असला तरी सोसायटी मतदारसंघावर कायम वरचष्मा ठेवणाऱ्या घार्गे यांची बंडखोरी राष्ट्रवादीला त्रासदायक ठरणार असल्याचे चित्र आधीपासूनच दिसत होते.

Shekhar Gore, Pradip Vidhate
सातारा जिल्हा बँक निवडणूकीत शशिकांत शिंदेंना पराभवाचा धक्का

या निवडणुकीत घार्गे यांना 56 तर मोरे यांना 46 मतं मिळाली आहेत. राष्ट्रवादीने आणि खास करून उपमुख्यमंत्री अजित पवार यांनी खटावमध्ये येऊन जिल्हा बॅंकेसाठी नंदकुमार मोरे यांची अधिकृत उमेदवारी जाहीर केली होती. तर सलग १५ वर्षांहून अधिक काळ या मतदारसंघाचे नेतृत्व प्रभाकर घार्गे यांनी केले आहे. त्यामुळे एका बाजूला सत्ताधारी पक्षाची ताकद व दुसऱ्या बाजूला मतदारांशी घरोब्याचे संबंध अशी पार्श्वभूमी असलेल्या उमेदवारांत सरळ लढत होती. दोन्हीही उमेदवार तुल्यबळ असल्याने या मतदारसंघात मतांची विभागणी कशी होणार, कोण कोणासमवेत जाणार, एखादे नवीन राजकीय समीकरण जुळणार का, याकडे सर्वांचे लक्ष लागून लागले होते.

Related Stories

No stories found.